ناصر الجلاه
اشوف أنا الشعار فالميدان قامت تخترش=من غيري هرجه سابقه قامت تصاقع روسها
الليله الليله ومن يطلب حرش يلقا حرش=كل الجبال نهدها كل البحور نقوسها
العازمي
ليل السعد واللي يطيح امجهّزين اله النعش = اللحيه اللي ماتجمّل مالها الا موسها
تستاهل الفنجال والا,,, ذوق من سم الحنش = الديره اللي قد ولاها الصيف جتك اعسوسها
ناصر الجلاه
العازمي قدام لايسقط على الارض افترش=كل من اللي درسوه ولانسي في دروسها
ودك بحد السيف وألا ودك بطلقة نمش=ياللي عليك القوم من هرجك تحك ضروسها
العازمي
اللي يدوّرني بعد جيته لعلّه مابلش = علمي مكفّيني وغيري علمها بفلوسها
هرجي صواب ولا يصيب اذنك عن الهرجه طرش = احاول اصلح وانت ياناصر تغير اتحوسها
ناصر الجلاه
الوقت قاسي والتجارب علمها ماهو غشش=ماني من اللي علما في شكلها ولبوسها
إن جبتها منا ومنا مايغطيها قشش=مايبلشك فالحبه اللي صنتها ألا ((سوسها))
العازمي
سبع الخلا اللي بالنواجذ للفرايس قد نهش = الطرقه اللي ماتجيها ماعلاه ايدوسها
ماهوب منّا يالعصيمي كان في عينك عمش = دارك بلا قيمه ليا من انكسر فانوسها
ناصر الجلاه
وانته تعرف الحر يابن روق سموه الوحش=ماتجذبه مفروسةٍ طاحت في يدين فروسها
ياعيد انا لوقلتها لك جد ماتكتب همش=داري لها قيمه وشيمه دامني مريوسها
العازمي
المور سدس اللي مع الطرقه من السرعه فرش = يبغا عمان الديره اللي نورها قابوسها
دارك على عز ومعزه جعلها دايم تعش = تعلّها غر المزون اللي بعدها قوسها
« آخـــر الـــمـــشـــاركــــات »
01-May-2008, 02:19 AM
العرض العادي
