يا سايق الفنجال عدّه لفيحان ..!!

[ابن غافل الدلبحي]

صح لسانك امداد بلا اعداد


مليون نعم في عيال عمنا النخشه من النفعه

،،،،،،،،،،،،،

ابو نجر النفيعي

نصوصك الشعريه تستلهم قارئها من اول برهة

في شتى اغراض الشعر المتنوعة

دامت هذه الجزالة قرينة لما تكتب

ودام هذا الابداع حليف لما تقول

تحيات وتقدير
حمود بن محيسن ابن غافل الدلبحي

[المخيمري السويداني]

تسلم يابو نجر على الابداع المميز ونا اشهد انك شاعر وصح لسانك ياذوق وننتظر منك الجديد وتقبل مروري

[عبدالله النفيعي]

ابو نجر

صح لسانك
قصيده رائعه بروعتك

سلملي على الشايب السلام الكثير

[عنتر زمانة]

رائعه يا ابا نجر

سجل اعجابي بهذه القصيدة

[البيـــــــــرق]

السلام عليكم ورحمة الله وبركاته

المشاركة الأصلية كتبت بواسطة أبو نجر النفيعي

.

السلام عليكم ورحمة الله وبركاته ..

هذي قصيده .. قلتها في مخيّم ذوي دهيران ( من الحمادين من النخشه من النفعه من عتيبه ) .. عند حضور شيخ الحمادين للمخيّم الاسبوع الاول ..

وأرجوا أن تنال لو القليل على اعجابكم ..

.

الله واكبر عد همّال الامزان = وبسم الله الرحمن في كل جوله
أبدا بذكر الله علاّم الاكوان = الواحد اللي ماش شيٍ يطوله
يالله أنا طالبك يا عالي الشان = تغفر لنا في يوم يزداد هوله
انته وليّ الكون معطي ومنّان = وأنت الذي جاعل محمّد رسوله
ومن بعد مطلوبك تسامح وغفران = أبدا بذكر اللي تنومس فعوله
كريم سبلا من طويلين الايمان = راع الكرم والجود ذخر الرجوله
شيخٍ ولد شيخٍ ومن روس شيخان = واليا وقف كل الشيوخ أحسبوا له
من طيبته ذكره بوضح النقا بان = وزان اللقا ذالليل من زين زوله
يا سايق الفنجال عده لفيحان = اللي ليا ضاقت علاهم لجوله
يمناه تعطي ما تحسّب للاثمان = كله تحت خدمه عيال الحموله
ربعه بني عمه سلايل حميدان = اللي لهم فالوقت جوله وصوله
وما بعد أبن هذلول ياكود الاخوان = أقوله الليله وربعي تقوله
قايد و زايد لارجح كل ميزان = عمله ترجّح عملةٍ فالعموله
ميقافهم واضح على مر الازمان = والطيب سامي والعوارف سموا له
هم فخرنا دايم وحنا الهم اعوان = يوم أنهم جو للحسم واحتموا له
يالله عساهم يكسبوا كل ميدان = ويحقق الرحمن فاللي سعوا له
والمجلس اللي يجمع اعلومٍ أسمان = كل الرجال اللي تشوفه لفوا له
واكبر فخر هالليل شيبٍ وشبّان = اتكاتفوا واتلاحموا واعتزوا له
الجنب جنب الجنب وجنوبنا امتان = تدحم جنوبٍ فالملاقا ميوله
والروس شاشت بالحميّا والاحسان = والنفس عند الربع ماهي ملوله
والبندق اللي دون حبّه ونيشان = يم الهدف مرماه مصعب وصوله
قلت المثل قلته وكلّه على شان = ربعي هل الوقفات خص وشموله
لاد النخيش امع الوغا دوم شجعان = وللجزل سبّاقه ولاهي خبوله
وللطيب عنوانٍ وللحرب فرسان = وللصعب تصبر لين تلقى حلوله
مديّتها اشويّه وكان اللذي كان = عفويّةٍ جت من ضمري دبوله
وقلته وأنا شاعر وجدي حشيفان = و ربعي هل الطالات ذوله وذوله
وصلّوا على سيد البشر نسل عدنان = أعداد ما هل المطر من هطوله

.

وسلامتكم جميع ..

قصيده ذكرت الله فيها تعالى وتبارك ومدحت ثم أنهيتها باالتذكير بالصلاة على النبي صلى الله عليه وسلم .
والنعم بك وبقومك ، بارك الله فيك والله يسددك .

[جبل النور]

ما قصرت يا ابو نجر

وصح السانك

وبيض الله وجهك

وفالك الجنه

[كبتن عتيبه]

ابونجر



ماشاء الله عليك


ونعم فيك وفي ربعك

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[هلال العتيبي]

أبو نجر
صح لسانك شاعرنا الفخر
أبدعت بيض الله وجهك
ومدحت من يستحق المدح
لاعدمناك يالغالي

[ابو عتب النخيش]

مشكور يولد العم تسلم يمناك وصح لسانك اخوك ابو عتب النخيش الله يحفظك بتوفيق

[نايف عبدالله العتيبي]

وعليكم السلام ورحمة الله وبركاته

\

عذوبه .. وجزاله .. وحضور يبيض الوجه

أبو نجر صح لسانك يالقرم قصيده في قمة الروعه والجمال

لاخلا ولاعدم

أخوكـ