سلام الله سلام ً يحشر الشعار داخل غار

[سلمان الروقي]

يقولون الشعر فتنل ونقض ماهو بخبط أشجار=الك فنك ولي فني وكل ٍ فيه اله فني
ترى الايام والدنياء تدورومالها استقرار=على نجوم ٍ بها تسطع يجيك انجوم ايغطني

[محمد العضياني]

اخذ طوق النجاه ولا تعود تعاكس التيار=وعلمً تذكره واصلك مع بعض العرب عني
عدودً راهيه طول الزمن فالورد والمصدار=بعيد وصوفها يالاجـــودي عن يابس الشني

[سلمان الروقي]

ياماشا الله ياعبدالله اثرك معلم الشعار=عسى منته لمستور العصيمي منت متبني
هذا وقتا مضى واليوم مايارد عليها الطار=موارد قاع صفصف عندكم ياهن ابن هني

[محمد العضياني]

اعلمهم واخرج كل عام مهندس وطيار=واكرر علمي لتلميذي اللي جاي متعني
لا والله راهيه لكن حبال الطيبين قصار=عسى الله يرحم الله يعرفون الحكم والصني

[معجب العتيبي]

ماشاء الله تبارك الله

الله يقويكم ابداع منقطع النظير

[محمد العضياني]

سارح البال

حيااااااك الله

شاكرين تشريفك لاهنت

[سلمان الروقي]

تخرج منك مجموعه وذا اللحينه بوسط اشهار=مصيبتهم من المنهج ماهو مزبوط متدني
ماهي بقصار لكن العدود اللي لها الاذكار=على روس الاصابع يالعتيبي مايعدني

[محمد العضياني]

طبيب القلب لو يكشف قلوب الناس بالمنظار=لقى بعض القلوب من الطريق الكايد توني
عيون ً ماتشوف الربل والبسباس والنور=يغرن الجموع اللي وراهن يتقدني

آخر تعديل محمد العضياني يوم 12-Nov-2007 في 01:23 AM.

[سلمان الروقي]

البواردي صح لسانك يالذيب
تشرفت بالعب معك
تصبح على الف خير

[محمد العضياني]

انا اللي تشرفت بك ياسلمان الروقي
صح لسانك وانت من اهل الخير
اخوك