في مقدمة الموضوع ملخص المحاوره المباشره بين حزام العصيمي و وسعيد بن رحمه المري

[مشعل الريمان]

حزام العصيمي

هلا في منتدى الهيلا هل الوقفات والردات= وحيا الله رجالن تسمـع الشعـر وتغنيبـه
ابن رحمه رفيقاً لّي عرفته من زماناً فات =انا مانساه لكن لو نسيني ويـش أسويبـه

بن رحمه

يدوم ابك البقا ياللي ترحبي عشر مرات = على وضح النقا ونجازي الطيب على طيبه
ابن رحمه رفيقك الاولي ماينكر العشرات = ورجل ينكر العشره قريبات محاظيبه

حزام

تجمعنا مواقيف النشامـا والديـار اشتـات = وأنا خابرك رجلاً ماقف الأبطـال تحريبـه
بن ادم رحلته تمضي وتقضي بين ود وهات =ولا يدري بعمره لين منه الذيـب يسريبـه

سعيد

تهرج ياحزام وقارن الابيات بالابيات = وهذي حاله الايام تشريقه وتغريبه
ابي منك السوالف والله اللي يعلم النيات= وعلم في ظميرك طالبك لاعاد تبطي به

حزام

عصى فرعون موسى لو عصا موسى من الأيات = ماطاع ألا بعد ماقام موج البحر يومي به
جنود ابليس عند الباب والحارس يعيش سبات = تبى تدخل وهو نايم وتمرح في دواليبه

سعيد

مادام انه عصى فرعون لايامن من النكبات = هذا حال الزمان الله يكفي من عواقيبه
جنود ابليس دايم تجزي الحسنات بالسيات = لكن المشكله في الضيف ولا في معازيبه ؟

جزام

معاوين الدهر واجد لكن الكارثه بالذات = هو اللي غاية الشيطان تقبلبه وتقفيبه
تكلمنا عن الواقع ومعنا حجةً وثبات = وعلماً مايسر العين لا لك به ولالي به

سعيد

ابوزيد الهلالي يالعصيمي صامل الهدات = بلش له في عرب مايتركون الشك والريبه
من اول فالجحر حيه وهالحينه عشر حيات = ماغير مريحه في الجحر تصبح به وتمسي به

حزام

نشدنا وين أبو زيد الهلالي قالوا إنه مات = وموته غدر والغدار مايامن باصاحيبه
سجدنا لـ الله المعبود والضالم سجد لـ اللات= يضن الات يوم الحشر بتحقق مطاليبه

	بسم الله الرحمن الرحيم أعضاء منتديات الهيلا الكرام الليله الساعه العاشره موعدكم مع ليله قلطويه تجمع نجوم القلطه في الخليج وهم كلاً من النجم الشاعر حزام العصيمي ...و... والنجم الشاعر سعيد بن رحمه المرّي فبأسمكم نرحب أجمل الترحيب بالشعراء الأكارم ونشكرهم على قبول دعوة منتديات الهيلا ونأمل منكم الحضووووور والتفاعل ولكم خالص ودي وإحترامي

بارك الله فيك يامشعل ومشكور على ترتيبك
لهذا اللقاء .
ونحن بأسم كل منتمي الى منتديات عتيبه الهيلا
نرحب بالشاعرين اجمل الترحيب ونقول الله يحييكم
في محلكم
سائلين الله لكم التوفيق في هذه المحاوره
كما نتمنّا للجميع سهره ممتعه مع شعراءنا المبدعين
..................
طبعا المحاورات في القسم تتوقف كماهو متعارف عليه
الى حين انتهاء المحاوره المباشره .

الاداره