ياقاضي الحق ياللي ترضي المسلمين

[زبن القاضي]

حنا عرفناك لونك ماتبغا تبين= ويننت يوم النشاما تفتل اشنابها
من يوم كنا وحنا للعداء سقم عين= ولا اهل مكه ماندري ويش فالشعابها

[كبتن عتيبه]

طيب طيب

في يوم فتل الشوارب ربعكم حاضرين=واللي حضر من عتيبه دون غيابها
ياراعي المارتين ان ثارت المارتين=تبا تشوف العرب وش لون مضرابها

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[كبتن عتيبه]

العصر اذن يابو نهار


استاذنك انت والحاضرين



ننتظرك في لقاء اخر

[راع الحميّا]

المشاركة الأصلية كتبت بواسطة زبن القاضي

ياللي مشيتو يسار الدرب عود يمين= كلمه تغدابها تعجز تعشابها
الارض ياصغرها فالعين يابالحبين= ولاوله تنكتب من حظ كسابها

...
..
.

ياسلام صح لسانك يازبن
ابياتك هذي مثل ضرب السهوم
لكن لي عليك عتب وارجو انك ماتزعل
بما انك تلعب ومعروف لدى الجميع
ليش تلعب مع الاسماء المستعاره
مع احترامي للكبتن مناحي ليس انتقاص للكبتن
وانما عتب عليك لان ذلك ينقص من شعبيتك
ومن هيبتك
وياليت ترسل لي ايميلك

بغينا ننساك يالكبتن صح لسانك
مجاراه اكثر من رايعه

[سعود العصيمي]

الله الله


على الابداع


والمحاورة الوافيه الرئعه


صحت الالسن وصحت القلوب


مودتي لكم

[رشيد النقريني]

ياسلام عليكم ياشعااارنا


ابدعتم وأنصفتم


وبيض الله وجيهكم

[زبن القاضي]

حنا ترى طبعنا مانرجي الغايبين= واللي تغيب ماننشدها عن اسبابها
من خلقتي ماغدالي عند الاخصام دين= ولياغدا حاجه اطرف واحدٍ جابها