ماهو أجمل بيت في شاعرالمليون

[عبد الحكيم]

ياخاين العشرة عليك اعتابي سويتها يالكرسي العنابي

ماعاد تبغى شوفتني لكني للحين ماصفيت معك احسابي

له جرس جميل في اذني عندما اسمعه

طبعا للحر النداوي يوسف العتيبي

[رجـم النـايـف المطيري]

يقول المازني من عرض قوله@ذليل النفس مافض النزاعي
هروب الرجل وغيابه فشيله@نهارن يتضح فيه الشجاعي

تركي الميزاني

البيت هذا يسوى بنوك سويسرا وارصدتها

لله درك ياولد عون

[أبوغشام]

جميع قصايد الحر النداوي كانت مميزة و اصبح يرددها الكثيرين اما بقية الشعراء
باستثناء ابن فطيس و الله اشك ان فيه احد يحفظ و لو بيت و احد لهم!!!!!!!

[ذيبان ظلم]

وماهو صحيح تحطني بآخر الطابور
===== على شان لا عندي طوابع ولا صوره

[ابن مجيول]

بيت من قصيدة ابن فطيس


وانا خيالي كل ماهديته 000000 حول على الوادي وصاد عقابه

[البرق العصيمي]

ظهر ابن الفجاءه في زمانه000وانا ابن فطيس تظهرني ذراعي

اعتقد ان هذا البيت مليان للآخر


وطبعا مانهمش ولدنا الي كفى ووفى وخاصة بيته الي يقول


واذا هي بالقصايد فازهلوها

وخلوها على الحر النداوي

[ابن مزحم]

بصراحه الابيات الجميله واجد لكن اظن أجملها بيت عبد الرحمن الشمري :
تجمعت شرابة الماء على البير ــــــــــــــــــــــ ياحليل عنه الجماعه حدونا

[ابن مزحم]

بصراحه الابيات الجميله واجد لكن اظن أجملها بيت عبد الرحمن الشمري :
تجمعت شرابة الماء على البير ــ ياحليل عنه الجماعه حدونا

[خالد السيف]

اشهر بيت واللي صار له صدأ كبير بين العامه هو :

مدام موقفنا خطير وحامي .... ماعاد فيها غير اشد حزامي
ماعاد فيها ودي وماودي ..... الموت خلفي والبحر قدامي