انا عيني على مرزوق أبى اغني معه موال = ولو مرزوق ماهو فيه أبى وصل العطياني

[مرزوق حمدان العتيبي]

...
.
هلالالالالا وغلا يابو لمار ..
شي طبيعي كل ماشفت احد ضدنا
جيت تعدي على صفه .....
مالومك
هههههه

ترىاجمل شي ان نرى تواجدك ياغالي.
...
سلمت ودمت ..
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابو عاتق]

الله الله يا مرزوق ههههه

والا يا صاحبي مرزوق انا طيّب وعال العـال = لكنّ الشاعر المحبوب قدام امس وصاني
يقول أصحابي العتبان يشيلون الحمول ثقال = واقول المشكله مرزوق منهم ما تحداني

...

[مرزوق حمدان العتيبي]

	ياوجه الله ... جزل يابو عاتق ... ورى صاحبك غايب جعله إلك وله يطيب الفال = انا والله ما انسا صاحبي لوّه تناساني مادام انك حضرت ارحب نبا نرضيك يارجال = وترجع تخبره وتقول شفت السيف شاماني

[ابو عاتق]

الله الله يا مرزوق

لا والله ما نساكم مير بعض الناس حط وشال = كتب إله جملتين وقال لا مثلي والا كاني
وانا ما قلت يا مرزوق عينك لا يجيها خلال؟ = تعاندني وانا عمك لجل خاتم سليماني؟

.....

[مرزوق حمدان العتيبي]

	طيب طيب يابو عاتق .. ترى ماكل شعر ٍ للعرب ياصاحبي ينقال = يحسبون الجزاله فالشعر تركيب الاوزاني عمت عين الحسود اللي يحسد الناس لو فـــ ريال = تبا تطمع مقام اهل الفخر لكن عجزاني

[خوي السعد]

صحت السنتكم شعار كبار ومعنى راقي
والوقفه بصف مرزوق
والليل توه باوله .

[السميــــــري]

...

.
الله الله

يابو محمد

جزل .. جزل

صح لسانك

ولاهنت يالمبدع

واعرف اني دايم بصفك

لو على نفسي

هههه

اخو وغالي

...

المبدع

ابو عاتق

صح لسانك
مليون

ولاهنت

متابع

للابداع

واصلواا

.

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[مرزوق حمدان العتيبي]

..
.

مرحبابك ياخوي السعد
ووجودك في صفي ينومسني يابن العم
..
واقول ماعليك زود

...
.

[ابو عاتق]

خوي السعـد ..

مرورك بحد ذاته وسام شرف





تحياتي

[ابو عاتق]

السميري ..


مرورك نور الصفحه وتواجدك مكسب ياخوي






تحياتي