يا ابقيق ماجوره

[نشاط الزلامي]

السلام عليكم

الكل يعلم العمليه الفاشله "الغاشمه" التي حدثت في محافظة بقيق "القلب النابض للعالم "
والكل يعلم مدى اهمية هذه المحافظه التي اسئل المولى عز وجل ان يحفظها من كل يدٍ هادمه

ولكم هذه القصيده علّها تنال استحسانكم...

يا ابقيق ماجوره من الغدر والكيد = الله خذل من دبرو لك مكيده
مايفلح المجرم خبيث المقاصيد = مخالف ٍ للدين واهل العقيده
عصابة الارهاب ماراحت ابعيد = اهدافهم صعبه عليهم بعيده
تخطيط فاشل والمنفذ سراميد = بافكار منحرفه اعقول بليده
من مات منهم قدمه احساب ووعيد = والحي عايش في حياة ٍ نكيده
وش عذرهم في يوم شيب المواليد = ياويلهم من حر نار ٍ وقيده
يا دار من دونك ارجال صناديد = ماهزهم حاقد وكثر تهديده
كل الدروب مسدده عنك تسديد = برجال وقفه فالظروف الشديده
من دونك دروع تصد العباريد = اليا تلاقا الضد ويّا ضديده
يفدونك بغالية الارواح والميد = انك تعيشين بسلام وسعيده
حب الوطن موجود فالقلب ويزيد = يوصي عليه العود الابن وحفيده
ابناء الوطن ما يخلفون المواعيد = في راي ابوهم راع الارياء السديده
من مات فالواجب على الحق وشهيد = والله وليه ويتقبل شهيده
ومهما نقول القول ونقول ونعيد = ما ينحصر حب الوطن في قصيده
ويبقيق ما مثلك على صفحة البيد = قلب الوطن بالخير يروي وريده
يحفظك ربي من نوايا الحواقيد = ويرد كيد الحاقد وما يريده

وسلامتكم

الشاعر نشاط الزلامي