ياسلام الله سلام ٍ فيه راس وفيه ذيل= للرجال وكل شي فيه ذيل وفيه راس

[حاتم العطاوي]

استلم ياسنايدي

طابوا الجدان وإلا مثلنا مامن حصيل = نتلي النعم وحصيل أمثالنا منها طفاس
وقتنا وقتٍ يخلي صامل الأريا هبيل = الذهب يصير فضه والنحاس يصير ماس

[الايداء1]

,
الأخ

حاتم أرجو المعذره في التأخير

لعدم وجود شبكه وأستلم ..

طابو الجدان والماء مايغطيه النثيل = والشراره شبت النيران والنار أقتباس
الأسود .. أسود والا .. الثار يالد له حسيل = من طفت ناره نقول أنته علامك ياحواس

التوقيع

[حاتم العطاوي]

يابوتركي ويش رايك في هكا الرجم الطويل = المهيب اللي ركونه لاتهاز ولاتداس
ويش رايك لونعدي فيه وأعطيك الدليل = وناخذ الصورة ويبقا عند صاحبنا الأساس

[الايداء1]

أن رقيت الرجم ياحاتم لاتنزل بالمسيل = خلك أبراس المنيفه لا يجي بعض العكاس
والدلايل خلها نبغا الكلام اللي قليل = والعلوم الثابته خلت شفايفهم يباس