المرجله حجّه وياوي حجّه%%ومن صعبها مانالها كل رجال

[عيضه الثبيتي]

أخواني واخواتي زوار وأعضاء منتدى الهيلا

السلام عليكم ورحمة الله وبركاته


وكل عام وأنتم ب1000خير

واعذرونا على طول الغياب ومهما غبت عنكم فأنتم على القلب دائماً

واستلموا اخر قصيده...2006

لا ضاقت الديره بخاطرك وجّه=وتلقى ديارً شوفها يطرب البال
سوق القدم قدام مع كل فجّه=وديار ربّي قدمك عراض وطوآل
ورح للخلا فالليله المدلهجّه=يكفيك لو تشرب من الكيف فنجال
في صحصً مافيه صجّه ولجّه=والنور خافت والقمر توّه هلال
حزمً براحً مايجي منه عجّه=دوب غسله من رايح المزن همّال
وأخذ مع الهاجوس سجّه وسجّه=في جال نارً عامره تشعل أشعال
أخير لك من سوق مليان دجّه=من قوم دجّوا تاجد الوان وأشكال
السوق بأهل السوق مليان صجّه=بمراسلية هرجة القيل والقال
ناسً على شذب البشر مستلجّه=أفطن لهم يامعّرب الجدّ والخال
والمرجله حجّه وياوّي حجّه=ومن صعبها مانالها كل رجال

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131