الطارف سداد

[ابن سهاج]

ماجد الهذلي مساء الخير

القاف اخذ حقه وتراها عندك ولاتبطي

[مشاري الروقي]

صحت لسانك يابن سهاج وماجد الهذلي

[ماجد الهذلي]

الليل الليل

يا ابن سهاج علااامك معجل أنا أخرج بعض الأحيان من النت وانت

تنزل فالردود !!!

تبا ننهيه الليله ما فيش اي ماااانع والقاف ترى ماهو مباااشر !!

قصير الساق لو سابق ترى يا صاحبي مسبوق = ولا يصفي زمانك .. غير كان العقل تلفاني
تخيل البرق وسيوله تجي بعد الحيا بعذوق = ولا يقرب طريق السيل غير إنسان عمياني

[ابن سهاج]

مرحبا يالهذلي وتراي مانتبهت للرساله الا عقب مالقفت
وصل العطياني .........

بغيت اكحل عيونك يالهذيلي والكحل بيلوق=ولكن كحّلتك ام اليتامى كحل الاعياني
تبا تحتل دار ٍ دونها حمل الجمل مسيوق=ولكن لا حداك الوقت حدّر صوب نجراني

[ماجد الهذلي]

ياكم من غافل ٍ عيا يفوق ولا هقيت يفوق = يبا يشتال حمل وياخذه ويدور الثاني
يجيك من الهوا صفقه وتصبح شاعر ٍ مصفوق = ولا تسلم من الأسباب جاك فلان وفلاني

[ابن سهاج]

الاخ الشاعر ماجد الهذلي صح لسانك ولاهنت

ويعلم الله انك شرفتني شعرا وخلقا

وان شاء الله بيكون بيننا اكثر من لقاء


واشكر جميع من شارك وشرف المحاوره بدون استثناء والله يقويكم

[ماجد الهذلي]

أبن سهاج أكرر الإعتذار

لأني كنت مشغول أثناء المحاوره بأمور تمنعني من التواجد الدائم

ولاكن الأيام بيننا في محاورة تساعدها الظروف !!

تقبل فائق تقديري وإحترامي