العام جانا

[عايض جزاء العصيمي]

العام جانا ذلولٍ فوقها(هادي)=مرخٍ رسنها و تاركها على يدها
كن يحداها على قطع السكك حادي=لو فيه موتر مع السكه تهبدها
يقول انا من طرف فرحان نشادي=عن (القصيده)يباها ويتوجدها
قلنا (العتيبي)عزيز و وراعي شدادي=واليا طلبها ابرك الساعات و اسعدها
ان رد لا نمنعه والسلم منقادي=ولامطالبينه برد انكان جمدها
مدام هو بالعلوم الطيبه بادي=من قدم الطيبه للناس ياجدها
واخذ طلبكم وراح الكم ولاعادي=عقل ايداها عقب جاك وتوسدها
وجانا علومٍ بعضها حادرٍ وادي=ماجاء ردٍ نفاها النا ولا اكدها
لقحت بكره لاكن الوقت ما جادي=ماتة بطن امها قدام تالدها
والله لا ابري ولا اتهم ولد الاجوادي=والناس عن كل شيءٍ ماتباعدها
الناس فيها اصدقاء واعداء وحسادي=ولا ادري عن ابيض قلوب الناس واسودها
خاف احدٍ جالسٍٍفالريع من غادي=واليا جته من طرف (فرحان) جودها
وغير مسار العلوم وسيرها العادي=اسواه نقص بها وسواه زودها
سمعت لي منك علمٍ جابه الرادي=قوم على راسي الدنيا وقعدها
وراك سويت مثل اعلام بغدادي=نوبٍ تذيع العلوم ونوب تجحدها
اصحى يضيعك علمٍ بايهٍ غادي=اصبح كثير الرجال ولا تنشدها
وانا بخيصٍٍ بمصداري وميرادي=بعض الموارد لااصدرها ولا اردها
مالي مع(ابالخلا)مجلس ومقعادي=مسعودها واسعداللتها ومسعدها
انا(عتيبي)عريب معرب اجدادي=اقف بميقافها واقعد بمقعدها
واللي خلق ما تمالحني على الزادي=(ابالخلا)اللي حجلها يركب اربدها
كوع على دلةٍ صفراء وبرادي=لاتنفخ الجمره اللي جوف موقدها
الا انك انسان ودك حرب وجهادي=هاذا الرسن في يدينك وامش واقتدها