¤¤ياوجودي¤¤جديد ضاوي الشيباني

[ضاوي الشيباني]

السلام عليكم اعضاء وزوار منتدى الهيلا اقدم لكم اعتذاري عن الغياب الفتره الماضيه وذلك لضروف خاصه

واقدم لكم القصيده هذه بعنوان (ياوجودي)وهي عباره عن توجد جديد اتمنى تنال اعجابكم جميعا


ياوجودي لاضلم الليل وانزاح النهار=واستبات النور ماعاد فيه الا النجوم


مثل وجد الحاكم اللي عليه الوقت دار=قام شعبه بالتضاهر يضاهر كل يوم


اجتمع كله من الضيق واصدر له قرار=عقب نصفه مات قال السلامه ماتدوم


قال كلمه تزعل الصدر بالصوت الجهار=روح عنا والزمن فيه معطى ومحروم


واضلمت دنياه ماعاد فيه الا الفرار=وبعد ماكان يحكم صار مثواه محكوم


اتوجد مثل وجده وصار الهم صار=يوم غاب الغالي اللي على خده رقوم


له ثلاث سنين غايب عقب ماكان جار=كل مامريت بيته تذكرت العلوم


قام فلم الذاكره يعرض السيره وسار=مع طريق البين حتى تخاويه الهموم


ثم ذكرت اعيونه اللي كما عيون الحرار=نظرته منها على القلب توريدت سهوم


والخدود الوانها من بياض اليا حمار=الورود تغار منها وتخضع باللزوم


والوصوف الباقيه من تواصيف المهار=يوم تقبل فالمغيره على قطعان قوم


عقب غاب القلب كنه نوى الهجره وطار=مير ترخيه الضلوع القويه لايحوم


ضاق قلبي من ضلوعي وفكيت الزرار=وقمت أدوج بالفيافي تحت ضل الغيوم


نوب أروح يمين وامرار ممشايه يسار=القدم ماتعشق الا منيفات الرجوم


في ركون المعتلي يوم طالعت الديار=مالقيت الا المنازل عليها العج كوم


ضاق خلقي من سواياك ياللي معك شار=ليه تجهل نهج ناس المحبه والسلوم


ليه تجعل حال ضاوي مع ايامه دمار=كل ماينسى وليفه بحر حبه يعوم


والعيون تساهر الليل كله والقرار=ماتذوق النوم فالليل والعالم تنوم

//هـ

وسلامتكم

الشاعر ضاوي عبدالله العتيبي