طاروق عالمي ... شاعر خنذف محمد السناني و محمد العازمي

[فيصل بن فهد الجهني]

طاروق .. ما قدرت امل منه .. سمعته عشرات المرات

اضعه بين ايديكم .. عسى ان ينال على اعجابكم


محمد السناني
العازمي مبتلش مع روق بالذات الحناتيش = تهمه المصلحه و الاسم عادي ما يهمه
لاحدن يلومه ما دام انه يدور لقمة العيش = للحاجه يضحي الرجال في لحمه و دمه

محمد العازمي
العازمي ما مشى بالكذب ولا بالبخاشيش = تهمه المصلحه و يقوم في صف ابن عمه
ولا السناني يدنبش ضارين بكثر الدنابيش = وشلون خنذف على محمد يحطون المهمه

محمد السناني
حاول لكنه وقع بين المخافر و التفاتيش = يبغى المخارج ولكن العيون تلد يمه
الضابط المستلم بيديه مفتاح الكلابيش = يرميك بالسجن ولا يرفعك في راس قمه

محمد العازمي
عزالله ان السناني راس ظبي من العراميش = ما يترك الداب لين الداب فيه يبج سمه
رفعك واليوم عانك مرتكز فوق النشانيش = مدري تبا تمدحه ولا تبا ترجع تذمه

محمد السناني
عزالله انك مفرس ريش وملحف من الريش = لاقي لك مساعدين وراس عم وراس عمه
الله يسلمك راسي ما تناسبه الطرابيش = عندي عقيده يا ابن عاصي ولي مذهب وذمه

محمد العازمي
يا قو باسك تحمل لو نطقك بالشواكيش = اهم حاجه تكلم بين خلق الله بنمه
ما ندري ان السناني شايفن نفسه على ويش = محدن درا عنه غير ابوه يم العيص وامه

محمد السناني
اعطيتكم باس و اعطيكم هدف طاري وتطنيش = واثنين منكم تذر الحب و الثالث يلمه