اقلط ياابوفهد

[معجب العتيبي]

فهد الشيباني

ماغرد العصفور فوق الغصن غير انه سعيد = لو كان يا ليل السعد تبدي عليه نهايته
احدٍ يبا من جمعة العراف قولت يستفيد = واحدٍ يبا يفرض كلامه لين حد عصايته

علي الثبيتي

الله يديم العز والافرااح فالعااااام الجديد=هاذي سنه ياطيبها غير السنين الفايته!!
حافظ على الاسرار لايدر القريب والبعيد= هاذي وصاية شايبك جعلك تفظ وصايته!!

فهد الشيباني

فبداية العام الجديد البنك هادر للرصيد = عامٍ جديد ويخلف الله دام هذا بدايته
ما بيني وبينك دسايس ياعسا عمرك مديد = لاتدفن الميت وتمسح جرته وحدايته

علي الثبيتي

الناس كلاً له نظر والله يدبر مايريد=وارع الدعايه يابن مشيب ماتفيد ادعايته!!
لن طعت شوري يافهد لاتصادم الراس العنيد=هات العلوم الطازجه خل العلوم البايته!!

فهد الشيباني

هاذي ما هي وجهة نظر الا من علوم الصعيد = واليا غدى ياابن الحلال ابحث وتلقى هدايته
اذا حان اللقا وانته ما تملك سيفٍ من حديد = اللي درس ما تنفعه اكتابته وقرايته

علي الثبيتي

وجهة نظر والليله المعنى على بيت القصيد= والشيخ عانه مرتكي كوعه على تكايته!!
السيف ابو حدين ساطي مثل سيف ابن الوليد=محدود والجاني تبا تثبت عليه اجنايته

فهد الشيباني

ياابوفهد محدٍ درى عن حيها ولا الفقيد = والزرع ميت والسبب حرثه وقل سقايته
والله ما نبغى نحرض لكن العلم الوكيد = اللي رفع راية نبا نبا نطمن رايته

التوقيع

[علي الثبيتي]

اللي مايقتل دون عرض ودين ماظنه شهيد= الليل والقدر المغطى ماكشفت اغطايته!!
فهد يباها تشتعل يالربع وتضلي وقيد=عنده حكايه يا جماعه ماعرفت احكايته!!

التوقيع

ماني بلا روقي ولا برقاوي = انا ثبيتي جد روق وبرقا

[فهد الشيباني]

هذا الصحيح اللي نقوله والجمل شرهته قيد = لن كان بشرت بولد احسب حساب اسمايته
فهد ما يبغاها تموت فحضنكم وانته شديد = واللي صبح ما شافها فالليل طبعاً جايته

آخر تعديل فهد الشيباني يوم 28-Dec-2010 في 01:27 AM.

[علي الثبيتي]

صح لسااااانك يابن مشيب وابيض وجه ولنا لقاء قادم ان شا الله

[فهد الشيباني]

صح بدنك وصح السااانك ولاهنت على تلبية الدعووووه ووجهك ابيض

[فهد الشيباني]

معجب العتيبي


الله لايهينك على التنسيق يالغالي



حااتم


اشكرك على المتاابعه اللي زادتنا شرف يالذيب