سعود العصيمي =
الثبيتي مختلف لكن مدري وش خلافه = شايفه من ضمن من شافوه اله هجره ومده.!!
عقب ماكنا نعده من سلاطين الخلافه = صار يبني البيت في يومين ويعوّد يهده!!
علي الثبيتي =
الثبيتـي قـال كلمـة حـق مافيهـا كسافـه=ومن سكت شيطان واخرس مار عد الحق عده!!
التعنصر والمجامـل والنفـاق مـن الضعافـه=والمجامل والمنافـق نعلبـو خالـه وجـده!!
سعود العصيمي =
كلمتك ياعلي لو غطيتها قدم الصحافـه=ماخفى مضمونها ياصاحبي قوم الاشده!!
لاتروح ايسار واتكلف على روحك كلافه=الطريق ايمين والرجال مالزمه يسـده؟؟
علي الثبيتي =
انت ياسعود العصيمي فيك شي مـن اللقافـه=لو تطاوعك العرب كلن على كيفـك تـرده!!
ياسعود القصر الابيض غير عن قصر الضيافه=مالك ومال الرجل خلـه علـى شفـه ووده!!
سعود العصيمي =
ماعليك ولاعلى كلمتـك هاذيـه حسافـه=اخذ علمي معك ياثبيتي لابن عمـك ووده؟
لاتغلف علمك المحـذور ماينفـع غلافـه=صاحبك ماهوب جاهل فالبحر جزره ومده!!
علي الثبيتي =
انت لو حطوك قاضي فالبلـد مابـك مخافـه=ودي علمي لبن عمك وان زعل عشه وغده!!
يالعصيمي طيع شوري واختصر طول المسافه=اهل باكستان جاهم كارثـه ماجـات جـده!!
سعود العصيمي =
من سعى واطّاف في وسط الحرم يحسن طوافه=لايظلـي شوطـآ ايعـده وشوطـآ مايعـده!!
المطر من فوق راسك واطلـب الله فالريافـه=والبعير اللي نسوقه واسـم ٍ بالوسـم خـده!!
« آخـــر الـــمـــشـــاركــــات »
19-Oct-2010, 03:07 AM
العرض المتطور
