طلال بن ناشي =
يامرحبابك يالعصيمي وأنتظرني لا تـروح=أباك في دعون يشوش الراس من تدبيرها
يومي رسنها بين حد الجد وحدود المزوح=عساك تقدر ياسعود أتجيبلـي تفسيرهـا
سعود العصيمي =
دام البقاء ياللي ترحب بين مزحم والطلوح=هات العلوم اللي معك وانجيب لك تقريرها.
نبا نحاول وانت ماهو شرط تلقى لك صبوح=مار الاكيد إن الحموله فوق ظهر ابعيرهـا.
طلال بن ناشي =
أول خبر ليش الكلام أليا كتبته فـوق لـوح=يروح وأنا ماعرفـة النـاس وش تبريرهـا
وثاني خبر ليش القدور أتفوح فوق النار فوح=هـل القـدور الفايحـه لاكثـر الله خيرهـا
سعود العصيمي =
من يمنا ماجاك غير الطيب وعلاج الجروح=اخذ الاجابة وافيه مافيه اجابة غيرهـا.!!
ترا زبو ن الوافيه وافي وسـده مايبـوح=واهل القدور الفايحه ماني وكيل اديرهـا!!
طلال بن ناشي =
نموت مانطلب كرامه من ورى كف الشحوح=وجروحنا تبطي ويبطـي فالبشـر تاثيرهـا
الله ولي الناس رب الكون مغرق قوم نـوح=أم الظروف اللي تدس السم يلعن صيرهـا
سعود العصيمي =
لا والله الا رحت مرواح القطا خل المدوح=ياللي توردها ولاانت بعارف ٍ تصديرها!!
انت عليك ملاحظة والناس ما كل ٍ سموح=بعض الرجال ايغشها ياصاحبي تفكيرها.!!
طلال بن ناشي =
الخير في عرض السما والبرق فالمزنه يلوح=وأنته مسيرتنا الكريمـه لا تغيـر سيرهـا
المدعي مجنون وشهوده طلع فيهـم قـدوح=والبدو تزعل لو ربطنا كلبهـا مـع عيرهـا
سعود العصيمي =
البرق يبرق فالسماء وانته على الدنيا شفوح = لكن عن طول العلوم ايسدنا تقصيرها!!
حنا مع القدرة على الطاله مبنين الصروح = والناس تدري عن كبار اهل البلد وصغيرها!!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
العرض المتطور
