كل رجالٍ يعرف حدوده والسيوف حدادي

[معجب العتيبي]

ابراهيم الجـــــذع

مرحبا ترحيبةٍ مردوده ما لها عدادي=والكلام اللي على تنظيمه يعجبك مردوده
كل رجالٍ يعرف حدوده والسيوف حدادي=ما تروح ركعه وتسليمه من يزل حدوده

معجب العتيبي

عدما الترحيب بيّن زوده البقا يزدادي=علم اللي ناقصٍ تعليمه لين يعلن زوده
الله انه يهدي اللي فوده يفرح النقادي=والله انه واجبٍ تغريمه لين نعرف فوده

ابراهيم الجـــــذع

العنب من لا لحق عنقوده قال طعمه عادي=والرحال أهل الوفا والشيمه لاحقه عنقوده
من يسجل له خروج وعوده كورةٍ في نادي=والحكم ما يظلمه تحكيمه لو ماله عوده

معجب العتيبي

كل مخطي مدحه لماجووده لو مشى متحادي=يمدحه لو كان ماله قيمه قسمه وماجووده
العرب بالكيمره مرصوده والخبر فالرادي=لو تقول الجو حوله غيمه قلت لك مرصوده

ابراهيم الجـــــذع

الديار بحكمها مسيوده سادها من سادي=من تبوك اليا جنوب الزيمه كلها مسيوده
فبن عمه من يشب ازنوده والله انه غادي=يفرح أهل الشاهي التلقيمه من يشب ازنوده

معجب العتيبي

الولد يتبع طريقة عوده حكمة الاجدادي=يتبع التحليل والتحريمه في طريقة عوده
والصديق اللي صدق بوعوده مثل نورٍ بادي=لاتقوم تزيد في تجريمه صادقٍ بوعوده

التوقيع

[علي الثبيتي]

الله الله

صح لساااااااااااااااان الجذع

وصح لسااااااااااااان المشرف المميز معجب العتيبي

وعلى القوه

التوقيع

ماني بلا روقي ولا برقاوي = انا ثبيتي جد روق وبرقا

[ابراهيم الجـــــذع]

اترك أهل النظره المحدوده كل يوم أعيادي=الغلط من وجب التكريمه نظرته محدوده
أنت سند والعرب مسنوده لو حدر له وادي=اترك الخيمه وراع الخيمه ما هي بمسنوده

التوقيع

الذم ما يهفي للأجواد ميزان=والمدح ما طول قصار الأيادي

[معجب العتيبي]

من يعرض للهبوب خدوده لايقوم ينادي=لو تبين بخده التوسيمه ولو تطير خدوده
النصيحه فالبلد موجوده والعرب شهادي=والمراجل ماتجي ترسيمه فالبد موجوده

صح لسانك يابراهيم

نبي نطلب الله قبل السحور

[ابراهيم الجـــــذع]

صح بدنك أخوي معجب

ما قصرت يا الغالي

استفدن وتشرفت باللعب معاك

[مخاوي الطير]

الله الله

مبدعين





//