مساكم الله بالخير جميعاً

[بدر العضياني]

عادل الحربي

حياك الله

وصح بدنك

[ابراهيم الجـــــذع]

ويا بواردي منته بصايب هدف هدف=ومقدارنا راعي سنامٍ هدف هدف
وسجلت بك عقب الثنينه هدف هدف=يقولون مال الأوله غير راعيها
الجذع عقب نفث فالكموم=السيوف ارجعت بثلومها
وأبك حنا قويين العزوم=واكثر الناس وين اعزومها

[فايـز العتيبي]

صحت الالسن


فيه ابيات قمه في المعنى



واصلوا ونحن متابعون

[بدر العضياني]

على الهون اشوفك يالعتيبي عجل عجل=من بداية المشوار وانته عِجل عِجل
دعستك على دربي ودكك عجل عجل=يقولون مال الاوله غير راعيها

يالجذع رحت هالليله لهوم=من رماحٍ حداد زقومها
وابك حنا مناعيرٍ قروم=والبحور الغزار انعومها

[ابراهيم الجـــــذع]

عسى ليت والله ما تفيدك وعل وعل=مدامك تناطح ضلع كنك وعل وعل
بعد هل همال السحايب وعل وعل=يقولون مال الأوله غير راعيها
يا ولد عود وكبر وصوم=كمل ايام فاتك صومها
رحت بين الموادع والقدوم=عقب ما وثقة بختومها

[بدر العضياني]

تولعت بالشعر وحصلك سِحر سِحر=لكن رح تميدح عند ريم وسحر سحر
وتطلّب إلهك في القيام وسحر سحر= يقولون مال الاوله غير راعيها

نكبة اللي ختم لك بالختوم=يوم حطوك شاعر قومها
ددسنن ناشها بعض الهشوم=والزباين تعرف هشومها

[ابراهيم الجـــــذع]

ترانا عن الوقفات لا ما نفر نفر=على ما قفي والقوم تسري نفر نفر
ومن ضربنا فالجنب جلدك نفر نفر=يقولون مال الأوله غير راعيها
يقنب الذيب في روس الرجوم=ما يدل الدير منجومها
مير خلك على الدعوى كتوم=لين نكتمك يا مكتومها

[بدر العضياني]

هذا الشاعر اللي فوق عمره عدا عدا=يقول انه السابق وهو ما عدا عدا
ولا انته بـ ضد ولا محارب عدا عدا=يقولون مال الاوله غير راعيها

افرحوا بعد جيته يالعموم=بينه فالخدود وسومها
استرح يا العتيبي ومخدوم=الدير مالكين رسومها

[ابراهيم الجـــــذع]

أنا خابرك محرج وصابر ولم ولم=تغير عن الوقفه وبيتك ولم ولم
ولكن صابك علم كايد ولم ولم=يقولون مال الأوله غير راعيها
اسر يا بواردي وأنت مهزوم=لوحتك قد محيت ارقومها
وأبك حنا مزعزعت الخصوم=رمحنا فالنحر واخصومها

[فايـز العتيبي]

سرى اللييييييل يالبواردي




انت اتطول وخصمك مايطول بارد




والمحاوره جزله ولا ودي انام قبل ماتنتهون من المحاوره