رائد الكيرعاني القحطاني =
من شاعر يتعب على الجزله على شان القروم=سلام يـا قـوم يعرفـون الـرواه امجادهـا
يا شيخ ياللي ودّك تحلّق مع بعـض النّجـوم = وش بك تجيب الحجّة اللي ما عرفت اسنادها
سعود العصيمي =
من شاعر ٍ يتعب على الجزله وخصمه مايقوم=يامرحبـا ترحيبـة مايختلـف ميعـادهـا.
حنا النجوم اللي مايمنعها دفـاع ولاهجـوم=وعلومنا ماانتـه بلاقـي فالعـرب نقادهـا!!
رائد الكيرعاني القحطاني =
ان كنت يا سعود العصيمي طارب لبعض العلوم=لا تجبـر العالـم تجـر اصواتهـا وانشادهـا
أهم شي اني اعرف اقـوم واصلّـي وأصـوم=ما عاد ابوثق في شيوخ عتيبه وفـي ارشادهـا
سعود العصيمي =
إن كان ماعندك خبر بالله تريح ومخدوم=محد ٍ سألك اتناشد العربان يانشادهـا!!
انا ماقول انك من الانعام والرزق محروم=لكن انا ماني بصيده من يجيها صادها؟؟
رائد الكيرعاني القحطاني =
العام اشوفك تدّعي واليوم يا ليتك تشوم=بلاش من بعض العلوم اللي قصير مادها
يا خيرة الله كم شيخ في يده عشرة ختوم=لكنّ سعيه في الدّروب الثانية وايجادهـا
سعود العصيمي =
حنا بلشنا وابتلشنا فـي مفسـرة الحلـوم=اللي توردهـا ولاتـارد بهـا ميرادهـا.؟
ماصح غير الصح مايصلح افرنجي ٍ وروم=والله يديم الامن ويحفظ العرب في بلادها.!!
رائد الكيرعاني القحطاني =
هذا العصيمي ما هو من العلم والجهل محروم = يبهّر الدّلّة لو انّه ما يعرف قنادها !!
اما ينحّرها السماء ولا ينطّحها الحزوم = واما نقص من حجّته يا اصحابنا ما زادها !!
سعود العصيمي =
إن عشت لاحرمك العسل في كل ليل وكل يوم=والشجرة اللي كل ماجـادت اكلتـوا زادهـا.
انا ادري ان اكثر هل البحرين يجهل فالسلوم=واهل اليمن والشام فيهم ماحتست لاجهادها!!
« آخـــر الـــمـــشـــاركــــات »
01-Jul-2010, 10:20 PM
العرض العادي
