سعد العصيمي
ياماجد صرت مثل الصخرة اللي في لهيب النار=تغير لونها وازرى لهيـب النـار يحرقهـا !!
ولا للصخرة الا المطرقة حتى تصيـر غبـار=ابشعـم فالوجـار النـار مابغاهـا تفرقهـا !!
شبل مرجحين الموازين
انا ماشي على منهاج جدي مكرم الخطـار=ولا اختلها ولا ادغفها يابن عمي ولا اسرقها
وصلك العلم ولا يالعصيمي ذيع فالاخبـار=انا خايف تفبرك فالخبـر وانتـه تصدقهـا
سعد العصيمي
لاقيل اختار بين العم ولا الخال لاتختـار=تحمل ماجرا ولا اعقل الناقة وفارقهـا!!
تجمعتوا وصرتوا بضعةٍ شهربها السمسار=ولولانا هنا كان العرب حطت بطايقهـا!!
شبل مرجحين الموازين
انا اسعى في صلاح الدار ماسعى في خراب الدار=ورفـلا حصلـت مجنـون يارجـال يعشقـهـا
اذا تبغا الصحيـح اوضاعكـم فالسـوق ياتجـار=تسنعهـا الرشـاوي بينكـم والشـيـخ يفهقـهـا
سعد العصيمي
نقول المشكلة كبرت وحالت مار جت بحوار=وهاذي من رفالتك انت كيف وين سايقهـا ؟
لو انا من رجالٍ يدفعون المال " فك اعمار "=مانجلس بين جمع النـاس والغتـرة نعلقهـا
شبل مرجحين الموازين
اثرك ادّاري الخطّر . . عوافي ياسعد ومجار=وانا اللـي محسبنـك سنـة محمـد تطبقهـا
لهيب القيظ في وجهي علامـه بينـه وآثـار=والا ياكم وجيهـن بـارد الفلكـون يطرقهـا
سعد العصيمي
تـرا ربعـك عتيبـة كلهـا مابينهـا بـوار=ولن بار العتيبي كذبتـك وانتـه توثقهـا !!
قضى عمرك وولا وانت مثل الطرقي المرار=فضا جيبه وكل ابواب خلـق الله يطققهـا!!
شبل مردجين الموازين
انا ماذم ربعي ياعتيبي مار بعض امـرار=يجي فالصف خله وانت غربها وشرقهـا
تقوله يالعصيمي وانت ريس شلة (الفجار)=هذاه الطبع فيكـم ورث والايـام تفرقهـا
سعد العصيمي
بعد طال المدا بانـت خفايـا نيـة الغـدار=دخل بين العرب واثره يبا حاجة تضايقها !!
طبايعنا تقول الخبـل مالـه عندنـا مقـدار=نبا ننتف رموشة واللحا بالموس نحلقهـا !!
شبل مرجحين الموازين
تقوله تحسبنـك تاتهـد السـد ياهالفـار=ازارير السوالف زرها واحـذر تفتقهـا
عسى ربي يقويكم على مجنن ملاذ شهار=وحرارن عانقت جو السما مانته معانقها
« آخـــر الـــمـــشـــاركــــات »
27-Jun-2010, 02:19 AM
العرض العادي
