سعود العصيمي=
تعال ياعلي ابا اسولف معـك بعلـوم واعطيـك=علوم واخبار تصلح لك وانا وانتـه جماعـه.!!
ياتاجر السـوق قلـي ياعسـى ربـي يخليـك=وش بعت والا شريت مع العرب شرية وباعه!!!
النشمي=
هذب علومك يابو طايل عسى ربي يعافيك=وهات العلوم الجديده قبل تنشر فالاذاعـه
السوق مثل مصر يوم احكمو فيه المماليك=نهايته كلها بالموت الاسـود والمجاعـه
سعود العصيمي=
ياعلي وشلون نسيوك العرب ماعاينوا فيك=وانته كما اللي على ماقيل عزه من ذراعه.
ان كان مافيه غيرك ياعلي رجل ٍ يساويك=سلم على وقتك ولاعاد تطمع لك طماعـه.
النشمي=
انته تغيب وتبغانا علـى الماجـوب ندعيـك=وان جيت جبت الدعاوي بالمحايل واللكاعـه
نبا نسجلك مع صف القصير ليـن نرضيـك=كثر الدعايات تنساها العرف في نصف ساعه
سعود العصيمي=
والله لياجاء على الدول والواجب ماخليـك=لادعيك واهل الحيل ياعلي نقطعهم قطاعه.
ماني بطامع ورا فزعتك خير ٍ وليش نرجيك=مغنيني الله وحاميٍ ماقفي عز وشجاعـه.!!
النشمي=
تالي زمانك يعيشون الملقـف والصعاليـك=ويصير ترويجهم وسط البلد مثل البضاعه
ان كان عينك تشوف وتستمع علمي بذانيك=اقطع علاقتك لاتنكبـك والكلمـه وداعـه
سعود العصيمي=
المسلم اللي يغش الكيل لاتامـن يعاديـك=وانا بغيت اقنعك لكـن ماعنـدك قناعـه.
الله يردك على درب الهدى والا يدربيـك=مادام شغلتك زرع الغام واصحابك خزاعه
النشمي=
المسلم اللي يغش الكيـل الـه مـده يباريـك=يبخس ليا جا يكيل الكيل فـي مـده وصاعـه
ياسعود ماقول غير الله على الطاعات يهديـك=وش لون راعي صناعه يضحك براعي صناعه
« آخـــر الـــمـــشـــاركــــات »
11-Apr-2010, 06:15 PM
العرض العادي
