عبدالله الاصعر
ليا شفت معجب قلت باسم الله الرحمن=ومعجب تراكم كلبوكم تعرفونه
ترا الشاعر اللي كل مازومل القيفان=توجهله الجمور ((معجب من لحونه))
معجب العتيبي
ليا صار قلبك منه ياصحابي وجلان=ترفق على عمرك وجنب عن عيونه
على نهجي المعروف مالي ومال فلان=ولو ان الاصعر والجماعه يحبونه
عبدالله الاصعر
انا بيني ومن بين يامعجب الشيطان =حصن بالله اللي كل خلقه يعبدونه
قبل لا تنزل ردّك اللعب على الالحان=لحنك متغير وضعه وشكله ولونه
معجب العتيبي
عسى الله يزيدك خير ويعمّر الاوطان=ويكفيك شر بليس واللي يطيعونه
لا بالله يا الاصعر لا بالله كذا غلطان=بيوتي على ماقيل بالحرف موزونه
عبدالله الاصعر
ترى بعض خلق الله له فالبلد عوّان=عسى مانته ابمنهم وضنك على ضنونه
اخيرا تعوّد في طريقك بعد ماكان=تغني بطرق الناس عجزو يغنونه
معجب العتيبي
لياجيت تدخل لاتج(ي) الا مع البيبان=وبيتك ترا الشعار مثلي يشوفونه
على ماتبي غنيت ياكاتب الاوزان=ولو كان ودك نكتب اوزان مجنونه
عبدالله الاصعر
ابوزيد يلقاله مكانه مع العربان=ويدخل ويطلع والعرب مايردونه
على شان ماجى مثله من اول الازمان=ولايلتف للي تزايد به جنونه
معجب العتيبي
تغيّر طريقك ليش غيّرت ياذيبان=وانا خابرك يافلان من ناس دندونه
ترا الرجل سمعه ياعميلي ماهو جنجان=وجنجان يالاصعر تراكم تعرفونه
« آخـــر الـــمـــشـــاركــــات »
17-Dec-2009, 04:08 PM
العرض العادي
