هنا تنطلق المحاورة المباشرة لهذه الليلة بين الشاعرين حامد القارحي و علي فلاح العضياني

[عبدالله المطرفي الهذلي]

النفيعي لها الدرجه تحب شاااعرنا ههههه

[زيد الرايز]

صحححححححححححح لساااااااااااااااااااانك

يا حامد الهذلي

يا مبدع


وصححححححححححح لسااااااااااااااااااااانك

يا ابن العم يا علي العضياني

وجودك فخر لنا



شعراء قمة دمتوا ودام ابداعكم


ولنا الشرف بحضور هذه المحاورة


":"

[ريف الركايب]

انا مادام انه كثر صف هذيل ابي اعود مع الربع عن اذنك يالنفيعي

[ولد الهيلاء النفيعي]

ابو صخر وابو فلاح بيض لله وجيهكم
وماقصرتو طول الله اعماركم وجزاكم الله خير



عبدالله الهذلي معك سياره ولا اوصلك

[سلطان الجـذع]

....


الله الله الله الله ...

علي فلاح ... بيض الله وجهك بياضٍ تنقله ظهور الهجن

مبدع مبدع مبدع ولاغرابه في ذلكـ ...


.....


حامد القارحي ... حياك الله في محلك وبين أخونكــ ...

وبيض الله وجهك على ما قدمت ... من أبداع يليق ...

بجحم النجوم أمثالكـ ...


....


والف شكر على كل المساهمين نجاح هذا اللقاء

الفاخر شعراً وحضوراً ...

[عبدالله المطرفي الهذلي]

لا لا مامعي سياره <<<<<< كذااب يبي يسولف معك

علومك زينه يالنفيعي وانتظر فالرسايل الخاصه

[معجب العتيبي]

علي فلاح العضياني

يا مرحبا رحب لو إنقدّره بالفلوس=غالي , و يرجح بميزانيّة الراجحي !!!
أخبار الأمطار جابوها الرجال العسوس= اللي على ديرتك يا حامد القارحي !!!

حامد القارحي

دام البقا لين ترضى ضايقات النفوس=وان كان ماجات في صالحك في صالحي
وأهل المنايح بلاش يصررون الديوس =وان كان مايستحون القارحي يستحي

علي فلاح العضياني

بعض المعاني خطيره كنّها حدّ موس= يا شاعر هذيل تحلق لحية الملتحي !!!
اللي كسب فالحياه من المواقف دروس=فالذاكره مع مرور الوقت ما تنمّحي !!!

حامد القارحي

الحب صافي وقالوا داخل الحب سوس=واللي صحي يخبر اللي غافلا ماصحي
أدخل على الفي والا حرقتك الشموس=لو في المحاني وحي نزل عليكم وحي

علي فلاح العضياني

يالواصل اللي تروّس ما انت قادر تروس= ما كلّ رجّال مثل ( مناحي ) و ( دنّحي ) !!!
لولاي طفّيت عنكم نار حربٍ ضروس=دارت عليك الدواير مثل دور الرّحي !!!

حامد القارحي

أصعد بك الضلع والا انزلك في الطعوس=اليا قضمت الحجر يعدم عليك اللحي
والباقر اللي تصلي له كبار المجوس=لو جاهم الجوع راح الباقر امفطحي

علي فلاح العضياني

خلّك على الضلع لا تقعد تحوس و تدوس=عن سالفتكم درى اللي فالبلد منتحي !!!
حنّا عتيبه خلقنا الله على الناس روس=برقاوي يكون و لاّ مزحمي و اطلحي !!!

حامد القارحي

وش عاد يبقى بعد طاحت قرون التيوس=يابن فلاح افلح افلح عمك المفلحي
حطيتم العرس والمعرس شرد بالعروس=وهذيل ربحت عسى الهيلا بعد تربحي

علي فلاح العضياني

العزّ و الطيب بقلوب الرجال مغروس=في شارب إبليس يا روس الزنود اقدحي !!!
من لا تلبّس من ثياب المعزّه لبوس=يموت صيته لو إنّه بين الاجواد حيّ !!!!

حامد القارحي

المعذره كان ضيقنا عليك الهجوس=من لا مدح مدت الطيب فلا يمدحي
أستغر الله بغيت أحلف يمينا غموس=لكن راجع بيوتا سمها يذبحي

التوقيع

[عزوز النفيعي]

ماقصرتوا ابدعتوا


وكثر الدق يفك الحديد

[ولد الهيلاء النفيعي]

معجب العتيبي طول الله عمرك تكفى توسطلنا عند ابو صخر خله يعودنا يرجع لنا بمحاورح اروع ومع شاعر ثاني وزبطلنا وضع الشاعر ابو فلاح شاعر على مستوى نبيه بمحاورات وياليت تجمعهم سوا مره ثانيه وفي القريب العاجل

[حاكر الكيف]

صح لسان الشاعرين الكبيرين

علي العضياني و حامد القارحي


وأقول للكنترول سامحك الله

تصبحون على خير