السـيـف (عــمــــــهــوج)

[مرزوق حمدان العتيبي]

..
بيض الله وجهك ياسعوط المجانين
على هذا النقل المميز.... ونعم بعمهوج ... ومن اشتهر بأسبابه عمهوج..
اشهد بالله انهم ابطال اب عن جد ...

من ضرب أهل عمهوج رحنا دباله
----------------مير أقمحن يالابسـات السباهيـن
ياكن ضربه في جماهـي رجالـه
----------------------قنيب ذيب في علـو الضلاعيـن


تحياتي

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[مغترب الديار]

سلام ياباجد عـدد وبـل الامطـار **** وعـداد مانـادى بحـيّ الفلاحـي
انته من اللي فالقديمه لهـم كـار **** من ربعي اللي يبعـدون المراحـي
ياما اتعبوا قبٍّ على وقت الاسحار**** مايحترون الخصم حتى الصباحـي
اليا اعتزوا باميرهم واف الاشبـار **** الموت من عمهوجهـم يستباحـي
في حنيته تاقف مقاديـر الاعمـار **** ومن قابله مالـه مقـامٍ يباحـي
مركاضهم يشبع به الذيب والطـار **** رزقٍ ليـا راع المعاثيـر طاحـي
قومٍ بساحات الوغا تشعـم النـار **** ون وصلت العطفه تبـذ المناحـي
كم جادلا رعبوبـة دمعهـا سـار **** ولها على فقد الجماعـه نياحـي
وكم شمل قومٍ فرّقه شمل الاحرار **** وراحوا قطاعيـن بكـل النواحـي

الشاعر الكبير سهل بن عناد بن مرزوق السكيك العضياني

[سعوط المجانين]

أخي مزحم
عمهوج سيف من صاعقه أشتراه الشيخ متاعب من الصانع، أما عن الشهره فهو حديده عاديه وقد أشتهرت هذه الحديده بفعل أبطالها الذين هم من أضهرو أسمه على الملا

والكثير الكثير من السيوف الأجمل والأقدم ولكن.................

أخي جهيمان طلبك قد حقق وصورته الآن في منتدى العضيان،، الصوره الحقيقيه...


مرزوق العتيبي ومغترب الديار شكراً لمروركم....

تقبلو تحياتي ..

[فتى عتابة]

مافيه ألا نسخ ولصق ياريجيل

[الشاوي]

[هذا هو السيف الذي ضرب به شيخ المزاحمة من الروقة الشيخ صنيتان الضيط يرحمه الله
السيف ميراث لذخاير صنيتان

تاريخه أبيض والفخر فيه مسطور

شيخ لمزحم يوم دقلات الأضعان
[align=left]ميت وذكره حي معلن ومذكور[/align]

الشـــــــــــــــــــــــاوي

[نواف الردعي]

كان لي الفخر ان كتبت في سيف الظيط عمهوج عبر مجلة المختلف عندما كنت المدير الاقليمي لها سابقا في الملكه العربيه السعوديه
عموما السيف عمهوج يرفع الراس واهله يرفعون الراس

[مقعد الدغيلبي]

والله ونعم باهل عمهوج وعمهوج
يقول الشاعر/حبيب العازمي

هلا يامرحبا فديار أهل عمهوج واهل الصيت=ليامنك جهلت أنشد عن ألاد العضياني
يقولون الرجال ونعم أهل ماقف وجاه وبيت =ولن ركبوا ضهور الخيل فالميدان فرساني

[راعي البواضا]

والله ونعم بالضيط راعي عمهوج ونعم العضيان


تـــــحـــــــــــــــيـــــــــاتــــــــــــــي
راعي البواضا
ابن
زبن
الغبيوي

[فـيــFaisaLــصل]

كفوا والله ياسعوط المجانين

ويعطيك العافيه على الموضوع الرائع اللي يرفع الرأس وننتظر المزيد .

والله لا يهينك عندي سؤال عن عمهوج سيف الظيط هل صحيح ان ابناء الظيط قد اهدوه او باعوه الى امير من آل سعود ورده الامير سلمان الى الظيط او ان هذه اشاعه من الناس .
ولكم جزيل الشكر يأبناء عتيبه.

اخوكم / فيصل العضياني .

[فـيــFaisaLــصل]

ماعليك زود يا راعي البواضا

ونعم والله بالغبيات كلهم وهذا السيف يفخر به جميع ابناء عتيبه ورمز لشجاعتهم .

اخوك / فيصل العضياني .