خالد العصيمي=
سلام الله سلام الوفى مايلحقـه ميـل=يعز بيوت بأهل الوفى ماهي خرابـه
ولا ياسعود انا خابرك تسري مع الليل=وانا ياخوفـي انـه تعشـاك الذيابـه
سعود العصيمي=
هلا يامرحبـا ياهـلا ياموفـي الكيـل=من اللي يوفي الكيل وشهوده شبابـه.
ليا دارت رحى الحرب عطرنا المصاقيل=لكـن الله يديـم العوافـي ياعتابـه.
خالد العصيمي=
يدوم الك البقى والحقيقه منت ببخيـل=لون السيف في يدك تهديـه القرابـه
وهاذي مشكله كان غروك الرياجيـل=من الي ينقذك من سيوف اهل الحرابه
سعود العصيمي=
لياسقنا لك الهيل في بيض الفناجيل=تغارب لاتغارب ترا مامن غرابـه.
تدور لك مداخيل ماتلقـى مداخيـل=ليافكيت باب القشر ماصك بابـه.
خالد العصيمي=
تجيب البن والهيل وتشيـل المحاميـل=ورزقـك يالكريـم الوفـي روح نهابـه
ياكم من مرة طحت وسط اسطورة النيل=ورى الفرعون تمشي ولا تحسب حسابه
سعود العصيمي=
انا ماني مدوّر ورا مثلـك محاصيـل=لياراحت علومك مثل قـوس الربابـه.
لو إنك مثل ابو زيد لاركبوا على الخيل=عرفنا معك كيـف انتعامـل فالمجابـه
« آخـــر الـــمـــشـــاركــــات »
26-Jul-2009, 12:24 AM
العرض العادي
