العازمي
مد يمناك يامعجب لرد السلام = ياوحيد الجزيره ,,مدها شدها
البلد مابها غير الولد ياكرام = جعل فالامر خيره ,,مدها شدها
معجب العتيبي
مرحبابك عدد ماطار طير الحمام=يامدير المسيره مدها شدها
البلد ماشيه ياعيد حسب النظام=والعمل من مديره مدها شدها
العازمي
اقتدانا بروس القوم نور الظلام = مار شفنا الكسيره ,,مدها شدها
اخفظ الصوت لايصحى العباد النيام = من وجيه العشيره ,,مدها شدها
معجب العتيبي
اقتديتوا وطال الوقت عامٍ وعام=والصبر وش مصيره مدها شدها
لاتكلمت ماجبت الخطا والحرام=ياموصي شويره مدها شدها
العازمي
طال صبر الرجال ولا لحقنا ملام = فيه مليون ديره ,,مدها شدهـا
كان مسجد قبا مهجور ماله إمام = لاتطول القصيره ,,مدها شدهـا
معجب العتيبي
صبركم يستحق الشكر والاحترام=بس جبت الكبيره مدها شدها
تستحب الصلاه بساحته والقيام=لو قبلتك غيره مدها شدها
العازمي
الحقيقه نبا الديره تفوق الحلام = مار مافيه نيره ,,مدها شدهـا
بدلو فالصفوف وقدمو للامام = كل راعي بصيره ,,مدها شدهـا
معجب العتيبي
من يبا المجد يسهر مايزيد المنام=زيد حجم الذخيره مدها شدها
ودنا بالجميله جعلكم للرحام=والليالي خطيره مدها شدها
« آخـــر الـــمـــشـــاركــــات »
27-Feb-2009, 11:01 PM
العرض المتطور
