سعود الدماسي=
ياسعود لاصار العتب من زماني =ياكيف يبعدني وياخـذ مكانـي
وانا وصلتك والسبب راس هاني=ياليل هيـا واسـر ياليـل هيـا
من عقب مابان لي في راسك فلوق=ماعادفيها ياكـود اكـرب حزامـي
انكان مصر القديمه عنـد فـاروق=مصر الجديده تجـدد كـل عامـي
سعود العصيمي=
ياللي تسمى لك بسيفٍ محنا=الوقت داير فوق اهلكم وهلنا
وانكان هاني مزعلك ماشحنا=ياليل هيا واسر ياليل هيـا
راسي بخير وسلامه معتلٍ فوق=وانته ماشفناك في يوم الزحامي
ماكل مطرود يابن الناس ملحوق=ارتاح مانته بمفتـك الجهامـي
سعود الدماسي=
ياسعود كانك جاهلن كل الاوضاع=خلك معي لو كنت يا سعود مرتاع
وانا تراني يوم جيت لـك فـزاع=ياليل هيا واسـري ياليـل هيـا
المزن خيل وفيه ارعود وابروق=وهل المطر من مراويح الغمامي
عزالله اني بذلت الجهد يـاروق=من شان برقا وموج البحر طامي
سعود العصيمي=
انته تحاول تضرب الراس بالراس=لكن مايمديك تبني علـى سـاس
موج البحر خطرٍ على كل غطاس=ياليل هيـا واسـر ياليـل هيـا.
وإنكان مشتاق والا هزك الشوق=الله يخارجك من مسرا الظلامي
انت تقوله وانا اقولك مسبـوق=شعيل بارك وراسه فالخطامـي
سعود الدماسي=
حنا ضربنا الروؤس ياشيخ بالروؤس=والله يقرب راس هاني من المـوس
وانته من وليد الحضر جيت مهطوس=ياليـل هيـا للقضـا واسـر هـيـا
ياذيب يلي لبست من الذهب طوق=لاتحسبن الذهـب قـدم وسامـي
دايم وتعرض بضايعكم على السوق=تبـا التجـاره وياكلـك الحرامـي
سعود العصيمي=
ماهو ضروري يالمحنا نقنّعـك=ولاهو ضروري يالمحنا نطاوعك
العب وطعني قبل لازعل وطوّعك=ياليل هيـا واسـر ياليـل هيـا
ماني مدور وراك علوم وحقـوق=لاشبت النار ناري فـي حزامـي
تراك مانته على الهفوات مسيوق=ياكود تشكي من الماء والطعامي
سعود الدماسي=
ماقول ياهل المنتدى به شواعير=وانكان به ياقوم مافيهم الخيـر
وانته تمنا طامعن فالمنا عيـر=ياليل هيا واسـر ياليـل هيـا
محلوق شاربك يارجال محلـوق=ماهو ب مني من عيال الحرامي
لاصار منته على كبد العدا عوق=اقول يالله على الدنيا السلامـي
سعود العصيمي=
لاوالله الا دام هـذا كلامـك=كلآ على علمك وهرجتك لامك
وانا لياجيتك تراعد عظامـك=ياليل هيا واسر ياليـل هيـا
ياما على المعتدي سقنا الجمل سوق=يوم انت نايم على ريـش النعامـي
اليانكفت يالمحنـا حوقهـا حـوق=كلمتك هذه ماتنقـص مـن مقامـي
سعود الدماسي=
منته بلا مستور والا الزلامي=انته عصيمي ماينقص مقامي
والله يبارك فالرجال الحشامي=ياليل هيا واسر ياليـل هيـا
لون واد الرمه يصدم بشاهوق=ماسال سيله على عود الثمامي
انكان حقك غدى لناس مفهوق=يا عل عود ذخركـم لرحامـي
سعود العصيمي=
ربعي عساهم مايشوفون الاكدار=لطامة العايـل وشبابـة النـار
وانته دماسي والك ربعٍ والك دار=ياليل هيـا واسـر ياليـل هيـا
ياسعود مال النواقص عندنا سوق=دوّر لها فـي تهامـه يالتهامـي
ماراح لي من وراكم ربع معلوق=لكـن تونـس بقلبـك ماتلامـي
« آخـــر الـــمـــشـــاركــــات »
18-Oct-2008, 02:09 PM
العرض العادي
