الهيـــــــــــــلا *** منتدى قبيلة عتيبة
صفحة 1 من 2 1 2
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   ياسعود لاصار العتب من زماني=ياكيف يبعدني وياخذ مكاني=وانا وصلتك والسبب راس هاني (http://www.otaibah.net/m/showthread.php?t=79933)

سعود الدماسي 15-Oct-2008 10:35 PM
ياسعود لاصار العتب من زماني=ياكيف يبعدني وياخذ مكاني=وانا وصلتك والسبب راس هاني
 
ياسعود لاصار العتب من زماني=ياكيف يبعدني وياخذ مكاني
وانا وصلتك والسبب راس هاني=ياليل هيا واسر ياليل هيا
من عقب مابان لي في راسك فلوق= ماعادفيها ياكود اكرب حزامي
انكان مصر القديمه عند فاروق=مصر الجديده تجدد كل عامي

سعود العصيمي 16-Oct-2008 12:00 AM
السيف المحنا


حياك الله



وصح لساااانك


انت طلبتني وانا العب مع العازمي

وهذا الشرط مايتوافق مع شروط المحاورة فالمنتدى
لكن استلم ونكمل غذأ انشاء الله.


ياللي تسمى لك بسيفٍ محنا = الوقت داير فوق اهلكم وهلنا
وانكان هاني مزعلك ماشحنا = ياليل هيا واسر ياليل هيا


راسي بخير وسلامه معتلٍ فوق = وانته ماشفناك في يوم الزحامي
ماكل مطرود يابن الناس ملحوق = ارتاح مانته بمفتك الجهامي

سعود الدماسي 16-Oct-2008 01:04 PM
ياسعود كانك جاهلن كل الاوضاع= خلك معي لو كنت يا سعود مرتاع
وانا تراني يوم جيت لك فزاع=ياليل هيا واسري ياليل هيا
المزن خيل وفيه ارعود وابروق=وهل المطر من مراويح الغمامي
عزالله اني بذلت الجهد ياروق=من شان برقا وموج البحر طامي

سعود العصيمي 16-Oct-2008 05:50 PM
انته تحاول تضرب الراس بالراس = لكن مايمديك تبني على ساس
موج البحر خطرٍ على كل غطاس = ياليل هيا واسر ياليل هيا.

وإنكان مشتاق والا هزك الشوق = الله يخارجك من مسرا الظلامي
انت تقوله وانا اقولك مسبوق = شعيل بارك وراسه فالخطامي

معجب العتيبي 16-Oct-2008 06:04 PM
السيف المحنا

بدايه قويه وهجوم لغرض النقاش


صح لسانك



سعود العصيمي ورود تكتب بماء الذهب

لله درك وصح لسانك

سعود الدماسي 16-Oct-2008 09:17 PM
حنا ضربنا الروؤس ياشيخ بالروؤس=والله يقرب راس هاني من الموس
وانته من وليد الحضر جيت مهطوس=ياليل هيا للقضا واسر هيا
ياذيب يلي لبست من الذهب طوق=لاتحسبن الذهب قدم وسامي
دايم وتعرض بضايعكم على السوق=تبا التجاره وياكلك الحرامي

سعود العصيمي 16-Oct-2008 10:13 PM
ماهو ضروري يالمحنا نقنّعك= ولاهو ضروري يالمحنا نطاوعك
العب وطعني قبل لازعل وطوّعك = ياليل هيا واسر ياليل هيا


ماني مدور وراك علوم وحقوق = لاشبت النار ناري في حزامي
تراك مانته على الهفوات مسيوق = ياكود تشكي من الماء والطعامي

سعود الدماسي 16-Oct-2008 10:28 PM
ماقول ياهل المنتدى به شواعير= وانكان به ياقوم مافيهم الخير
وانته تمنا طامعن فالمنا عير=ياليل هيا واسر ياليل هيا

محلوق شاربك يارجال محلوق= ماهو ب مني من عيال الحرامي
لاصار منته على كبد العدا عوق=اقول يالله على الدنيا السلامي

سعود العصيمي 17-Oct-2008 06:06 PM
لاوالله الا دام هذا كلامك = كلآ على علمك وهرجتك لامك
وانا لياجيتك تراعد عظامك = ياليل هيا واسر ياليل هيا


ياما على المعتدي سقنا الجمل سوق = يوم انت نايم على ريش النعامي
اليانكفت يالمحنا حوقها حوق = كلمتك هذه ماتنقص من مقامي

سعود الدماسي 17-Oct-2008 09:18 PM
منته بلا مستور والا الزلامي=انته عصيمي ماينقص مقامي
والله يبارك فالرجال الحشامي= ياليل هيا واسر ياليل هيا

لون واد الرمه يصدم بشاهوق=ماسال سيله على عود الثمامي
انكان حقك غدى لناس مفهوق= يا عل عود ذخركم لرحامي


الساعة الآن »01:00 AM.
صفحة 1 من 2 1 2
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd