من مشاهير قبيلة العوازم من عتيبه

[مشعل بن حمود]

شكرا على الطرح

وللمعلومية فأن جميع قبيلة العوازم فرسان بدون أستثناء ولاتهون الهيلا

[متعب العصيمي]

ونعم والله بالعوازم , ولاتكفي..........

لاهنت ياصاحب الموضوع ......

[خلف الروقي]

شكراااااااااااا


الله يعطيك العافية

[غصاب الروقي]

لاهنت ياابو نواف وما قصرت وآلآد عاصي معروفين بفعلهم ويشهد لهم السلمي ببيت الشعر اللي يقول فيه :
العازمي فالمواقف (والله) ما يحيل ............... إلا تحيل الجبال الراسية والطراه..
وللمعلوميه : تم تغيير كلمة النبي بلفظ الجلالة لأنه ما يجوز الحلف بغير الله وهو شرك..
الزبدة :
والخلاصة :
والخاتمة :
إنه ياأبو نواف أنت نسيت واحد من مشاهير العوازم (( القطاعه )) وافعاله مع الاخوان ومع بعض القبايل معروفه ..
وتسلم يمينك

[الروقي]

ومن مشاهير العوازم (آلاد عاصي ) من عتيبه


الفارس خزام بن صامل العازمي

الذي شارك مع المغفور له الملك عبدالعزيز في غزواته في توحيد المملكة


وله مواقف كثيرة ومن ضمنها

:

شارك في فتح جدة و موقعة الرغامة

~

وارسله الملك عبدالعزيز الى شمال تبوك لفك النزاعات القبليه

~

وايضا موقفة في قصة ثعيل بن رابح السماري الذي سجن في عهد الشريف في مكة الذي اطلقه

الفارس خزام بن صامل العازمي

بعد سماع القصيدة

:

تكفون يالروقه ورا ذكركم مات = وانتم ثمان الحام غير العطاوي
قعدت في حوش البقر للمهونات = مكتوب ولا ماعليا دعاوي

وراح آسرد لكم قصة هذيه الابيات التي قيلت وقت حكم الشريف

مناسبة القصيدة

كان الشريف في مكة المكرمة وكان حدود حمايته العدل في مكة وكان عنده مجموعة من الاخويا على راسهم ثعيل بن رابح السماري وزايد الذيابي الملقب بابو سته

وكان في نفس هذه هذه الفترة حكم أبن سعود بدأ في الانتشار حتى وصل للطائف

وبعد ذلك قال ثعيل بن رابح السماري ماني بقاعد تحت أمر الشريف ودي اروح مع ابن سعود

وايده في الامر ابو ستة الذيابي ولكن فيه جواسيس بين الاخويا وصلوا الخبر للشريف وامر بحبسهم في سجن المحروق

ونقل زايد الذيابي الملقب بابوسته الى القنفذة لابعاده عن ثعيل بن رابح وبعد ذلك قال القصيدة ثعيل بن رابح السماري ينخى الروقة والقصيدة طويلة مطلعها

:

يالله يامعطي العطايا الجزيلات = عطني على قد النحى والهقاوي
وفرج لعبدن يسهر الليل مابات = مسجون مخذول غريب ن جلاوي

إلى ان قال

تكفون ياروقه ورى (حيكم) مات = وانتم ثمان الحام غير العطاوي
قعدت في حوش البقر للموهنات = مـــكتوب ولا ما عليــــا دعاوي

وصلت القصيدة لامراء الروقة ان الشريف سجن ثعيل بن رابح

وركب عباس بن زيد رحمة الله امير السمرة وراح للشريف في مكة يطلبه في فك ابن رابح ورفض الشريف طلبه


بعد ركب الشيخ فاجر بن شليويح رحمة الله عليه

ولازال الشريف مصر على عدم اطلاق سراحه


ولما سمع الفارس خزام بن صامل العازمي القصيده عزم على ان يطلق سراح ثعيل ابن رابح وكان يرافقه ابن عمه رجاء بن صهدان

وترادف مطيتهم يبون مكة ولما وصلوا الى سجن المحروق لقوا حارس السجن على باب السجن متقلد بندقيته

وضربوا العبد واخذوا البندق ومفاتيح السجن

ونادوا على ثعيل بن رابح وطلعوه من السجن ومن معه من المساجين

وبعد ذلك اخذوا ثعيل بن رابح


وبعد ثلاث ايام وصلوا الى عباس ابن زيد شيخ السمره من الروقة

قال لهم عباس بن زيد ونعم يالاد عاصي انا الشريف طلبته اكثر من مره واخرتها هددني بالسجن

وبعد ذلك رحلوا ( ذوي صامل وذوي صويمل وذوي صغير ) وهاجروا الى ساجر ديرة ابن محيا خوفا من الشريف


وقال الشاعر / وخيضر بن صغير هذه القصيده

:

بـشروا عبــاس وكبــار الجمـاعـة = جابو المسجون جذعان العوازم
ماقعد في السجن لو هو ربع ساعه = اطلقــوا اثعيل قطمان المحازم
قفـلة الـي فية كسـر بالسـراعـــه = يارجـا هــذه مـن اكبــر اللوازم
والحــديـد مجودينه في كــراعة = والـشريف من الزعل ياخزام كازم

[يوسف العازمي]

ماقصرت بيض الله وجهك

[احمد منير الواصل]

][®][^][®][مشكور اخوي والله يعطيك العافيه ونعم بالعوازم وقت اللوازم وبالهيلا كلها][®][^][®][

[خلف الروقي]

ونعم بعيال عاصي




دمت بود

[هيلاوي شقاوي]

الله يرحمهم جميع وبيض الله وجهك يابو نواف

[مطر حمود]

الديّر هذي ديرنا والسماهذا سمانا00000محتمينه باام خمس وما يثور من السراعه


والنعم والله بالعوازم

وشعارهم ومشاهيرهم

ذكرت هذا البيت

هل انت متاكد ان هذا البيت القيس ومن كان معه وهل هو بهذا الشكل


ونت لاطلطم تبشهم لو يسوقون الحضانا---- لو يسوقون الحضانافــــ 000000 وفي افراعه

لمن هذ البيت

افدني مشكور