السيف المحنا .....

[سعود الدماسي]

انا بنشدك يوم العرب طارد وملحوق=وراك تبوق هرج الزلامي يوم غنا
ليا عرضت راسك على الخذفات مفلوق=والا ياشين غزون غزيته يا مهنا

[شجاع السواط]

انا راسي منزه عن اهل الغدر والبوق = لو استشهد بهرج الزلامي والمعنا
يطيح السيف من كف رجلٍ صار مخنوق = ويبقا المجد مجد المغيره والمثنا

[سعود الدماسي]

تقوله وانت من هرجة العراف محقوق=وقمت اشوف في هرجتك شكه وظنا
لا طاح السيف ياقع معه عشرين معلوق=وهو في كف راعيه ماعنده محنا

[محمد العتيبي]

ياسلام ياسلام

ابداع في ابداع في ابداع ..

شجاع السواط والسيف المحنا ... والليل ياعتابه

التوقيع

للتواصل عبر twitter تويتر al_bargawy@

[شجاع السواط]

ابا اشهّد عليك العضيّاني ومرزوق = ونعرف من هو اللي على الثاني تجنّا
تبا تصفا مشاريبها والرايق يروق = تطول رقاب ورقاب لاطالت تثنا

[سعود الدماسي]

لا صار اشهودك اصحاب لك منته بمسروق=هذا واللي تمنا ماحصل ماتمنا
تبا تصفي مشاريبها والنايم يفوق=لو انه في منامه تغربل ماتهنا

[شجاع السواط]

مدام الكحل مسحوق والبارود مسحوق = طحناها وحنا طحنا ما انطحنا
ابو صيلك بمركز ٍ طيب ومرموق = وروح بعيد لانتمتحنك وتمتحنا

[شجاع السواط]

الرائع السيف المحنا

اشكرك على اجابة الدعوه ..


وصح السانك ...


تشرفت بالطاروق معك ولنا لقاء قادم يأذن الله ..



الاخوان محمد العتيبي وابو منذر


مشكورين على المتابعه ..


تصبحون جميعا على خير وفي امان كريم ..

[البريماني]

مبددددع ياشجااااع ماشاءالله بحرررر


استمررر وانا في صفك يالذيب

[سعود الدماسي]

هلا يا شجاع صح لسانك

ولاهنت يالقرم

وصح ابدانكم ربعناااااااا

اللي شاركو معناااااااااا