قبيل ساعات من اختتام مسابقة شاعر العرب .. محمد بن مبارك الصخابرة يعلن للوكالة انسحابه

[صقر النواصر]

إعلان النتائج أجلوه إلى بعد عيد الفطر ... ماهو عشان يتلاعبون بالنتائج على كيفهم ياشوردي ...

أعتقد حتى يصلون إلى حل وسط يرضى جميع الأطراف ..... وأقول يمكن يفكرون يعطون كل شاعر عظمه عشان يسكتونهم ... ...... بس العظم الكبير من يبي يعطونه ياترى ؟؟؟ هل لازال الشايب المعتوه هو المرشح الأكبر للحصول على أكبر عظمه في المسابقة هههههههههههههههه


اللهم لاشماته بس .... اللهم أني صائم ..... ألا بعداً لهم .. ألا بعدا ألا بعدا .....

[الحنش]

النتيجه معروفه من البدايه مبروك للفايز على هذه المهزله

[شوردي العتيبي]

المشاركة الأصلية كتبت بواسطة الشيش

مايلامون مدير القناة المطيري يزور عيني عينك في النتائج لصالح محمد بن خلف الخس

يقولون له سوابق في النصب

في مهرجان الأمير سعود بن بندر في حفر الباطن

وفي قناة البوادي ألين ماكشفه عبيد العتيبي وطرده البابطين

وهذآ الثالثه

ومثل مايقولون الثالثه ثابته

[شوردي العتيبي]

المشاركة الأصلية كتبت بواسطة فاهم بن العتيبي

ضربه قاصمه تكسر الضهر وتوقيتها مناسب جدا وخانق
ويعري البرنامج ويجعهله مكشوف ومفضوح

أنا أشهد أنه ضربة معلم

وفضحتهم قدام العالم

ياالله لاتبلانا

[شوردي العتيبي]

المشاركة الأصلية كتبت بواسطة هاجس الشعر

خخخخخخخخخخخخخخخخخخخخخخ
والله برنامج مهزله بن دمخ مسوي فيها يحب السديري
وسيله رخيصه للاسترزاق باسم السديري
مسابقه فاشله تسير بعشوائيه وتخبط وفيها من الدجل مالله به عليم
حتى الشاعر المطيري بن نيف عرف ان عيال عمه يبزوطون وانسحب

ههههههههههههههه


يارجل على قولة الشيخ مدحت زحلطنننننننننآآآآآآآآآ

[شوردي العتيبي]

المشاركة الأصلية كتبت بواسطة هاجس الشعر

اكبر دليل على التلاعب وصول اثنين من الحمادين للمرحله النهائيه

ياليته على كذآ وبس

ترى فلاح بن مبرد عم خالد الحميداني

يعني بيقنعنا أنهم بيفوزون باالتصويت

والله لو أنهم قاعدين على بنك

[شوردي العتيبي]

المشاركة الأصلية كتبت بواسطة عفيف.com

.....



خربوا حفلهم ... وبس .


ماعليهم استفادوا مير من التصويت

هلا والله وأنت مصدق أنهم جاءهم تصويت كثير

ياأبن الحلال شكله فايز بن دمخ بيجيب صك أعسار مثل الشيخ مدحت

وكل واحد يصلح سيارته

[عبادي المقاطي]

اللي وقف البرنامج خال الشاعر الصخيبري

احد الامراء والله مادري وش اسمه

يقول انا شاري بخمسه عشر مليون من الباقات

وشلون تروح للخس

قال الاسره داعمه الصخيبري

والبرنامج يوقف وهذا امر

ثم طلع الدمخ وقال نؤجل النتيجه الى بعد العيد

وهذا اللي وصلني


وهم والله من البداايه والظاهر ابن دمخ يحسب هذي الامور فيها حميه يسمعها انها عند العتبان

ومايدر ان الحميه لها وقت مهو كذا بظلم الناس مسوي فيها فااهم


ههههههههههههه

[النمر الروقي]

الحمدلله لست من متابعين هذه المهازل في الفضائيات ولكن من متابعة ما يكتب في المنتديات عنها اقول :

** ابحث عن المدبرين خلف الكواليس واصحاب الفكره يضحكون على البشر كعادتهم لكسب سمعه كذابه على حساب واكتاف الآخرين كعادتهم .

** استنزفوا فلوس الناس اللي على نياتهم بمسمى جمعيات خيريه ( متعددة الاغراض - هكذا اسمها فعلا !!) واغراضهم الرئيسيه تجاريه بحته .. بينما ظاهرها اعمال الخير .

حسبهم الله ونعم الوكيل .