ابن الشاكرين
يا سلام الله علاكم ردت من هيض بالي=عد ماهلت مزون الغيث في صبح وعشيه
الـلـيالـي تـدرج وتغـرنا سود الليالي=والبلا كـل مـافـكـر فـا الأجـل والا مـجـيه
معجب العتيبي
ياهلا يامرحبا ترحيبة الغالي بغالي=عد ماذعذع نسيم الغرب بأطراف الحويه
الليالي تدرج مابين مر وبين حالي=والفطين اللي عرف مخراجها بأول مجيه
ابن الشاكرين
البقا يأهل الوفا ياربعنا فأول وتالي=مـثبـتـيـن فعـولـكم في كل ميقـاف وهـيه
والـلـيـالي مـاتدوم الـمن يحب الأتكالي=ضيع أيامه وضاعـت بين شـمس وبين فيه
معجب العتيبي
انت يافلان المسمى من عريبين الخوالي=والرجل من منطقه يعرف ولا فيها دعيه
الليالي كل يوم الها ياراع العرف حالي=والعرب فالفعل والمنطوق ماصارت سويه
ابن الشاكرين
وأنت فيك الخير يا رجال وانعم با الرجالي=مـن يقـدم خـير يجـزابه ويلـقـى المقـدريه
والـليـال مـاضـيـه والـلـه بـاقـي لايـزالـي=والعـمل مـيـزان للا أنـسـان والنـيه مـطيه
معجب العتيبي
كيف مثلك يحجب العنوان والموقع مثالي=ياوسيع العرف تكفى لاتقرّب للخطيه
اكرب حزامك وشد الحيل وادخل فالمجالي=وان وصلت المركز الاول نقدم لك هديه
ابن الشاكرين
الجبال الشامخه ماتنحجب وهي الجبالي=شوفـها قـدمـك ومـد الـمـثمـنه تلقا الجزيه
لاتوصي لـك حـريص دون عمره مايبالي=وأن وصلت المركز الأول فالك عندي وصيه
معجب العتيبي
الجبل يعرف من اسمه والقصير من الطوالي=وانت من بعض السوالف لا عليك ولا عليّه
لو يطول الليل بالشاعر جلس ليله يلالي=والصحيح ان الليالي لو تطوّل سرمديه
ابن الشاكرين
الجبل شامخ وراسي ماهو بجرف هيالي=وأنـت رجـال سنـافـي ماتـجي منك الرديه
لويطول الليل باالشاعر يبا يصل المعالي =والصـحـيـح الـنـار مـاتبقا تراهـا دوم حيه
معجب العتيبي
صاحبي بدّعت في قولك وياحلو المقالي=لكن اكشف عن حجاب الظلم للنفس الرضيه
تالي الايام حظ الناس فالمعروف مالي=مدري الاسباب وشهي ليش خلق الله كذيّه
« آخـــر الـــمـــشـــاركــــات »
09-Aug-2008, 06:50 PM
العرض العادي
