مالوم أنا الحيران أنا مالومه !!!

[أبو وافي العتيبي]

دام البقاء والسالفة محـكومه = صاحبك الأول عرفه بالثاني
الوقت قاسي كاثرات همومه = واليوم أنا الحيران يالحيراني

[$ الحــيــران $]

استلم ::

الجو لو تكثر علاك غيومه 00 وقت الصحاه تخيّل الامزاني


قدام أبو وافي يشق هدومه 00 أبا ابتعد قدام لايبلاني

[أبو وافي العتيبي]

جاك النهار اللي تشوف نجومه = نزلت وسط القوم يالقوماني
الكلمة الـــــلي قلتها مســمومه = احفظ لسانك مايجيك لساني

[$ الحــيــران $]

استلم ::

سوق الغلا من طب فيه يسومه 00 ماني غريب الدار بين أخواني

مافيه نفس من الخطا معصومه 00 لكن لساني يالزميل حصاني

[أبو وافي العتيبي]

يوم الغلا كلٍ يمد سهومه = هات السمينه وأنت راع سماني
كلٍ يحاسب يوم يأتي يومه = ياربنا فالعفوا والأحساني

[$ الحــيــران $]

استلم ::


ذيب البراري ما تضيع عزومه 00 يحد نابه لا لقى السرحاني


نفسك يابو وافي ماهي مظلومه 00 يا متهم غيرك تراك الجاني

[أبو وافي العتيبي]

صوم رمضان اللي مقبل صـومه = حنا ليا ذلحين في شعباني
بعض العرب تحلف وهي متهومه = لو كان تغلط ماني بغلطاني

[$ الحــيــران $]

استلم ::


المنتخب ما يستعز هجومه 00 الا ومالك جنبه القحطاني


السالفه ما هي بجلسه وقومه 00 عدل واخذ حقك كما العرباني

[أبو وافي العتيبي]

كل الفرق قدامنا مهزومه = مادام جينا داخل الميداني
السالفة من بيننا محسومه = بيني وبينك لا يعلق عاني

[معجب العتيبي]

الله الله


مبدعين مع التحفظ على كم شطر


شكرا لكما وصحة السنتكم

التوقيع