ماجد الهذلي
سلام يا منتدى الهيلا كثيـر السـلام=من بعد غيبه طويله والبساط أحمـدي
الزايدي موقفه ما بين نـور وظـلام=مكشوف ما معه حيله والبساط احمدي
احمد الزايدي
يامرحبابك ياماجد والهمـام الهمـام=عساك رجل دليله والبساط أحمـدي
الزايدي موقفه بين الرجال الكـرام=معروف مابين جيله والبساط أحمدي
ماجد الهذلي
الأوله وقعت بين اللحم والعظـام=مسراك يوم ٍ وليله والبساط أحمدي
الشاعر اللي ليا غنى يعيد الكـلام=ما يعتدل فيه ميله والبساط أحمدي
احمد الزايدي
الهرج سهل على اللي يكثرون المنـام=لابد يبدي حصيله والبسـاط أحمـدي
الشاعر الجزل دايـم يارجـل مايـلام=ساطي على ظهر خيله والبساط أحمدي
ماجد الهذلي
أنته جمل ماع ظهره مابقي لـه سنـام=ويله من الحمل ويله والبساط أحمـدي
من يسمعك قال ماشي في طريق النظام=وأنته مضوي فشيله والبساط أحمـدي
احمد الزايدي
وأنته بهيمه تهطش فالسهل كل عام=واليوم صارت هزيله والبساط احمدي
الصقر ماينضر بعينه في فرخ الحمام=حر ونادر فصيله والبسـاط احمـدي
ماجد الهذلي
عز الله إنك ضعيف النفس فيك إنهـزام=أنرد له مـا يكيلـه والبسـاط أحمـدي
منت بصقر وأنت راسك مثل راس النعام=جواب بأهون وسيله والبسـاط أحمـدي
احمد الزايدي
سيفي يقص الرقاب العوج شرق وشام=ماجيت أدور رذيله والبساط احمـدي
الموت جاك أنت ماتقدر تحرك أبهـام=هلت عليك المخيله والبساط احمـدي
ماجد الهذلي
أصبر لضرب السيوف أصبر لضرب السهام=ولكـل علـم تحليلـه والبسـاط أحـمـدي
والله لاحدك وأضدك زين فـي كـل عـام=أحمـد هـذا واحليلـه والبسـاط أحمـدي
احمد الزايدي
الكل رجل مكانه وابشرك لي مقام=واحب أجيب الجزيله والبساط احمدي
ماجد هذه ياجمـاعه رجل ماهوتمام=مـايرتـكـي لثقـيله والبساط احمدي
« آخـــر الـــمـــشـــاركــــات »
12-Jul-2008, 03:12 PM
العرض العادي
