قصيدة مانع ابن شلحاط في الخماميش ..

[وافي الخماش]

قصيدة للشاعر الكبير / مانع بن شلحاط في قبيلة الخماميش ..

صح لسانه وبيض الله وجه ..

عـدوان بيرقهـم ليـا بانـوا ايبيـن=
و رفرف بعزه مـع بيـارق اعتيبـه =

بـديـت بالله رب كــل الثقلـيـن=
جل و تعالـى يحتـوي سـر غيبـه =
بأسمائه الحسنـى تهرجـت ابزيـن=
و ألوذ به مـن كـل عوجـا أمعيبـه =
شاعر و ازاحـم بالكتـوف الملاييـن=
و من االادب سقـت البيـوت لاديبـه =
ترضي شموخ اهل الحجاز العزيزيـن=
دار الكـتـاب و ثكـنـات الكتيـبـه =
و سلام في حفلـة زحـول العداويـن=
لضيوفهـم يخضـع وقـار و هيبـه =
في حفل بندر و ابـحضور المسميـن=
بنات فكري مـن اهجوسـي قريبـه =
قل يا الذيابـي للخماميـش ذلحيـن=
ان القصايـد فـي سنعهـم امجيبـه =
من دار ربعي و الزعيم أبـن حثليـن=
منصور يامرنـي و اسـوق النجيبـه =
ولد فهـد ظـل الرجـال المواليـن=
منصـا بنـي عمـه وجنـة قريبـه =
اخو سعـد لا لـدت العيـن للعيـن=
مدحه خذا لا بطيـب فعلـه غصيبـه =
ذكره على الالسن صعـوط المجانيـن=
و فعله مـع ركبـان سلمـى نديبـه =
عدوانـي(ن) جـدد حكايـات مقفيـن=
عصر(ن) على الطايف تغنـا سبيبـه =
عصر(ن) دمت له فالحجاز الاكاويـن=
ونشع حيـود جبالهـا ريـح طيبـه =
عصر(ن) نحت مجده زحول(ن) ميامين=
لا زعـزو عـدوان راحـت غليـبـه =
يشهد بها الطايـف قـلاع و بساتيـن=
وصفر(ن) اتدك البيد يـوم الحريبـه =
وجيش(ن) اتنتب من سلايل بعاريـن=
تذخر ليوم(ن) في صباحـه امصيبـه=
عـدوان عـدٌوا شاربيـن الغلاويـن=
قبيلـة(ن) بيـن القبايـل عريـبـه =
دوله و ابادت مـن سطرهـا بلاديـن=
كـم وادي قاتـوا اطيـوره و ذيبـه =
و كم حاكم(ن) فضوا حصونه ولا عين=
عوق الخصيم اليـا تـردى نصيبـه=
تاريـخ يتعـب كاتبيـن الـدواويـن=
دون بخشـم السيـف مافيـه ريبـه=
عـدوان بيرقهـم ليـا بانـوا ايبيـن=
و رفرف بعزه مـع بيـارق اعتيبـه =
و بندر عسى فالـه قبـول و قباليـن=
مبداه حفل(ن) يـوم سـوي دري بـه =
و منصور يامرني و البيه فـي حيـن=
و النعم يا الخماش له بي و لـي بـه=
و اختامهـا صــلاة رب الثقلـيـن=
علـى نبـي الله محـمـد حبيـبـه=

منقوول ..