أبو وافي العتيبي
سلام الله سلامٍ لكم حشمة ومقدار = وكلٍ في طريقة وكلٍ في طريقه
وناسٍ فالمواقف تلف يمين ويسار = عساها في حريقه عساها في حريقه
المعتصم بالله
هلابك ياهلا وانت واحد من هل الدار=ويالله لا تعيقه ويالله لا تعيقه
ترى من قدم الطيبه ينسب للاخيار=واقول انا صديقه اقول انا صديقه
أبو وافي العتيبي
يدوم لك البقاء وأنت من وافين الأشبار = ليا جت للحقيقه ليا جت للحقيقه
أنا تاجر وتاجر ليا حصلت تجار = ولا أحب السريقه ولا أحب السريقه
المعتصم بالله
بليا زود عنكم انا وياك شعار=كما السيف وبريقه كما السيف وبريقه
بحور الشعر ماغاص فيها كود بحار=ترى بحوره عميقه ترى بحوره عميقه
أبو وافي العتيبي
لياصرت أنت جبار أنا ماني بكسار = على هرجي وثيقه على هرجي وثيقه
ولا ياشاعر اللي لعب بالشعر مقطار = فريقي مع فريقه فريقي مع فريقه
المعتصم بالله
نشوف بروق ورعود وكم شفنا لها امطار=على دولة شقيقه على دولة شقيقه
على سطح القمر دون ما نكشف لها اسرار=يابو يمنا طليقه يابو يمنا طليقه
أبو وافي العتيبي
نشوف وكل ناسٍ لها يالصاحب أنظار = وخبزك من دقيقه وخبزك من دقيقه
ولا يالمعتصم كل طيرٍ فالسماء طار = ويعرف بتحليقه ويعرف بتحليقه
المعتصم بالله
صحيح وسالفتنا مابين النار والغار=وصدري فيه ضيقه وصدري فيه ضيقه
يابو وافي عسى فرقة اهل الجن لشهار=وتزين ارض الحديقه تزين ارض الحديقه