الهيلا .. أهل تاج الفخر لاجاء لهم عند العرب سيرة // لابد من الجميع الدخول والمشاركة

[وافي الخماش]

الله يوفقه ..


اما بنسبة البرامج والله انها سمجت والناس عارفين انها لعب على الدقون ..


وليد انا شفته والله فروسية وشعر واخلاق .. الله يوفقه في حياته ..

[مرزوق الجعيد]

اذا عنده حميه لربعه ينسحب من البرنامج وهذا المكسب الحقيقي له ولربعه

وكفايه يا اخوان تشجيع على المنكر وسلب اموال الناس بالباطل

[محمد فيحان العصيمي]

الله يوفقة لكن عتيبة لها تجربة سابقه في مسابقات التصويت و يكفي الي جانا

و كل واحد حر في ماله

[ياســر العتيبي]

خلف القثاني ...

مرحبا ومسهلا

بيض الله وجهك على كلام الطيب ,, ولاهانوا البقيه

لكن بن حثلين .. أثناء ركوب الفرسان للطائر متجهين إلى عمان
حلف بالله لهم كما ذكرت سابقاً أنه لن يكون هنالك غش أو تزوير في الحقائق

ولو تنظر أن بن حثلين شخص معروف لدى الجميع ,,, هل تعتقد أنه بيضحي بسمعته أمام الجميع عشان يفوز واحد من يام العريقة ..!!؟

ماهقيت ,,, ولاهقيت أي شخص في مركزه راح يسوي هالشيء ...



رب العباد يحفظك يالقثاني

[ياســر العتيبي]

عبدالله الجذع

كفو ياولد العم وعساك على القوه ..
والله يوفقك ويوفق الجميع

روقي الجمش

لو أنت من متابعي البرنامج عرفت إن مافيه اي غش وتلاعب
لأن وليد من دخوله للبرنامج هو أقل تصويت حتى الآن ,,,
لماذا لم يخرج من قبل مع الذين سبقوهـ ..؟
لأن البرنامج قائم على المصداقيه وأنا واثق من هالشيء تمام الثقه
وبالنسبه للتصويت ياعيال عمي .. انا ماقلت لازم ومجبورين تصوتون
أنا قلت كل من يريد ان يصوت يصوت وهالشيء راجع له .. لكن الدعم المعنوي مطلوب منكم جميعاً ..

شكراً لك أخي الفاضل على تشريفك الموضوع


وافي الخماش

أبيض وجه يابعدي ,,, وبالنسبه لتعليقي على التصويت علقت اكثر من مرهَـ ..
(وليد انا شفته والله فروسية وشعر واخلاق .. الله يوفقه في حياته .. )
يكفي دعوتك له والله يوفقه ويوفق الجميع يارب.. غير بعض عيال العم الله يهديهم .. معبّس وجهه كأني سابه او لاحقه بشيء ,,,
بيض الله وجهك مره ثانيه والله يوفقك انت بعد (كثر من الدعاء له)

مرزوق الجعيد

قصدك إذا عنده حميا لربعه يواصل ويجتهد ويجيب البيرق .. عشان انت واللي مثلك ينبسط بالمجالس ويسولف إن ابن عمه رفع راسنا
حياك الله يالجعيد


محمد فيحان العصيمي

بيض الله وجهك على الدعوهـ .. وعارفين إن عتيبه لها تجارب سابقه وأنا أحد الناس اللي صوّت وهالشيء بلا منّه مني على العكس (اعتبره واجب علي // لحد يطمر يقول انت حر) هذا رأيي الشخصي لكن ماتضررت لأني صوت لواحد من ربعي ومعتبره اخوي اللي بالبرنامج .. ويكفينا فخراً أن هنالك اشخاص يمثلونا في أي برنامج ينم عن الاصاله ,,,

وكل واحد حر في ماله < انا وش اقول من يوم نزلت الموضوع .. ماقلت لك صوت بالغصب (روّق) < بتشديد الواو .. ولاقلت لأحد يصوت بالغصب .. قلت اللي بيصوت يصوت واللي مايبي شيء راجع له .. والله يبيض وجيهكم ياعتيبه





لكم الاحترام

آخر تعديل ياســر العتيبي يوم 08-May-2008 في 03:30 AM.

[نجر بن هاجد]

والله اني كرهت هالبرامج لكني بصوت وشسو غصب عتيبي ماقدر اترك طبعي الله يوفقه ابوهاجد موجود وبيفزع انشالله

[عريدي وأفتخر]

يالربع خلو عنكم هالخرابيط نصب واحتيال وانا ماقول بوليد شي هو رجال كفو ونعم فيه بس والله انهم نصابين هدفهم مادي بحت ياخي انكان عندكم زيادة فلوس استثمروها بالخير تبرعوا لولد عمكم الحميدي جعل الله يفك اسره وكربته ابرك من هالخرابط وتقبل مروري
محبكم:عريدي وأفتخر