الطارف يسد اللزوم....... ا>>>با الطارف من الشعار يحضر والله يحييه

[قادح شرار]

المشاركة الأصلية كتبت بواسطة العازمي

المرشدي ------- قادح شرار



صحت السنتكم ياغالين


متاااااااابع بشغف

هلا حيا الله أبو طلال .

صح بدنك وصحت روحك وصح قلبك .


دامك بتابع هاذي فيها علم ٍ ثاني .

[المرشـ ساطي ـدي]

الا والك البقا ياللي ترحب علمك وش تاليه=عساك تراجع الماضي وتذكر بعض الاحوالي
ياليت الحضرمي يجلس بدكانه على مافيه=وينسى عالم الدولار يصر جنيه وريالي

[المرشـ ساطي ـدي]

عبد الله الجذع




العازمي



شرفتونا بمرورك


ومروركم اكبر محفز لزيادة الابداع

[قادح شرار]

ألا يالربع ابن مرشد حرفها والله يكافيه === ووسط البير دلوه يا عرب يصفق على الجالي


تـرونه يدري الليلة نبا نـطبخه أو نـشويه === وإذا سِـلم مـن الطبـخة نـحرتـه للـخلا الخالي

[المرشـ ساطي ـدي]

بن مرشد تهقوى فيك طيب وضيع هقاويه=يبيك تدل درب التاجر اللي ينفق المالي
يا قادح دقق في بيت مضى لا تحسبه ترفيه=لونك تفهم المقصد غدا علمك مع التالي

[قادح شرار]

المشاركة الأصلية كتبت بواسطة المرشـ ساطي ـدي

بن مرشد تهقوى فيك طيب وضيع هقاويه=يبيك تدل درب التاجر اللي ينفق المالي
يا قادح دقق في بيت مضى لا تحسبه ترفيه=لونك تفهم المقصد غدا علمك مع التالي

تـراني عنـد علـمي والعشاء قدمي وأبسويه === وأنا ما أرحم ترى فالوقت لا حافي ولا عالي


حجر في وسط دربك كيف أبشيله وأبا ادربيه === وأنـا مـاني كفيــل ٍ بالعـرب وأشيـل الأثــقالي

[المرشـ ساطي ـدي]

قالوا للارنب اللي تبغي العشاء العشاء عانيه=عشانا من ضهرك الليله وفي كل الليالي
يقولون العرب يا قادح اعطي السهم باريه=تفقه ليش قالوه وتتبع نهج الامثالي

[قادح شرار]

ثـلاث أمرار يخلف فاللحن يكسر وأنا أمشيه === ولا ودي أقــلــه ثـــم يـزعل مننا الـغـالــي


تـرونـه شـاعـر ٍ شـاطـر لكـنـه نـارنـا تـحـديه === وأنا بوقف معه لين أنه يصبح عندنا والي



صح لسانك يا ساطي , والختام عندك إذا بغيت طال عمرك .

تراك اليوم ماهي بعوايدك , خابرك دايم معشّق الدبل مير أظنك اليوم ما دقيت الدبل .

لكن ماهي بمشكلة الجايات أكثر , وعدّني يمناك اللي ما تعصاك يا ولد عمي .

[المرشـ ساطي ـدي]

تسويها يا قادح وعلمك هذا وين اوديه=يشككني يحسبنه وصل تحطيم الامالي
تراها كلها سجه وبن عمي تراي اغليه=يغني سالي الخاطر واغني خاطري سالي

صح بدنك يا قادح شرار..وانا يوم تغني معي ماني بقدك لاكن نتعلم منك..

واعذرني عندي اختبار بكره بالجامعه والله ان الكتاب في والنت قدمي...لاكن ادعلي بالتوفيق

ويوم بدعت ما نويت اطول ابا اتونس بس....لاكن جيتني وسريتني

ولا تشره علي اذا حصر قصور تراني توني عليمي.....وان عديتك يمناي ..يمنى السعد والله


عساك في الوجود....لا عدمناك


واعيد واكرر اعذرني عن القصوووووووووووور

[قادح شرار]

ما حصل قصوووووووور

وتراك ولد عمي ومافيها كلام , وحنا لبعضنا يا ساطي

أنت ما تدري حنا عتابه الهيلا يا مجنون عتابه الهيلا


الله يوفقك في أختبارك ويسهل لك أمور دنياك .


بس أبيك تمر قسم الشريعة الأسلامية , أطلع على موضوع هام لكل مسلم .