ترحيبة الصقّار بالحر العديم ((( الحر النادر ))

[عيد العازمي]

هلا بقادح شرار الغالي صح بدنك


والصف منور بوجودك

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[الحر النادر]

هلا وغلا ياعيد .......ارحمني اشوي وانا خالك

دام البقا ...بعد البقا وش جبت ياريح النسيم = على الوعد جينا وكل انسان ينزل منزله
ياعيد مايجهل علومك غير رجال(ن) غشيم = العلم قوله ياعميلي من النهايه لااوله

[الحر النادر]

جميع من مرو ا

شكرا على المرور

[عيد العازمي]

تسلم وتدوم والخطر على البناخي

كانك تشوف البرق والرعّاد تسمعله هزيم = ذر البيوت وجوّد احزام الفخر والمرجله
شهرين وانته من حدود المجمعه لين القصيم = مادلّني يمّك يابن قشعان غير البوصله

[/عبد العزيز الجذع/]

الحر..

العازمي

صحت السنتكم...




تحياتي..

[عيد العازمي]

عبد العزيز الجذع صح بدنك ياغالي شرفتنا

[الحر النادر]

ههههههه

عز الله اني مالقيت الا السعاده والنعيم = وامشي على كيفي واشوف البرق واشرب منهله
عاداتنا قطع الفيافي في دجا الليل الظليم= ولاكل واحد يابن عاصي درب عمك يدهله

[الحر النادر]

عبد العزيز الجذع مرحبا مرحبا
يالذيب وصح بدنك

[عيد العازمي]

طيب طيب

لاتحسبنّي مثل غيري كان الك قلبٍ فهيم = ماعندي الا النار والبارود ماش امجامله
انته وابو عرّام ياصنهات اشوفك سيم سيم = واحد يعقد السلسله ,, واحد يفك السلسله

[قادح شرار]

المشاركة الأصلية كتبت بواسطة العازمي

طيب طيب

لاتحسبنّي مثل غيري كان الك قلبٍ فهيم = ماعندي الا النار والبارود ماش امجامله
انته وابو عرّام ياصنهات اشوفك سيم سيم = واحد يعقد السلسله ,, واحد يفك السلسله

يا سلام يا سلاااااااااااام .

صح لسانك يابن عاصي .

لا زلت متابع ............................