فتل.. ونقض...

[احمد الزايدي]

سيف شامان جيت أجز أنابه رقاب= ورقبتك أنت فدوه له وصارت تبيه
ماسهل الهرج للي عاجز عن الصعاب= عاجز انه يصل لسهيل والاجديه

[احمد الزايدي]

صح بدنك والله يسلمك


يا معجب العتيبي



شرفنا وأسعدنا حضورك

[احمد الزايدي]

صح بدنك



يا عبدالله الجذع



شرفنا واسعدنا حضورك

[المعتصم بالله]

سيفك اللي تقوله رجعه للكباب=يشبهك يا ولد وانته بعد له شبيه
جاك موجز كلامي وانتبه للحساب=يا احمد الزايدي خلك ذكي ونبيه

[احمد الزايدي]

صرت لقمه في فمي بين ضرس وناب= مـايبا ينـفــعـك هـرج تبا تدعـيه
أسمـك أنتــه يزينــه لو قــريت الكــتاب=أوتمسكت بالسنه وأخذت بهديه

[المعتصم بالله]

يا احمد الزايدي ياويلك من العذاب=يوم جتك النصيحة ليه ما قلت الي ايه
يا ولد ديني الاسلام وارجي احتساب=وصاحبي يالله انك ترحمه وتهديه

[احمد الزايدي]

أحمد الزايدي عرف الخطاء والصواب= الخـطـاء بـأذن ربي يبتـعـد مايجـيه
ومن تمسـك بدينـه تاب لـلـه وانـاب= وصحابي ماعرفت أنا ترى ويش فيه

[المعتصم بالله]

من يقدم سؤال اكيد يلقى الجواب=واحمد الزايدي ماني بقايل سفيه
الله اللي فرق بين الصقر والغراب=واحمد الزايدي ماني بقايل نزيه

[احمد الزايدي]

من يقدم سؤال أخاف جاه أكتأب=وأحمد الزايدي ماتقدر أنت تعصيه
فرق بين الأسد ماهو شبيه الذباب= الذباب الأذيـه فـيه كـل ياذيه

[المعتصم بالله]

ههههههه احمد صح لسااااااانك وطول الله عمرك

وتحياااااااااااااتي لك ولجميع من مر