علي فلاح العضياني
معي شلفاً مضاريبها فالنحر مثل شلفا ذياب مثل شلفا ذياب=ساع فالمرشدي زان مضرابها زدتني شوق يا لابس الغندري
ناصر المرشدي من غيابه حضر بعد طول الغياب بعد طول الغياب=غيبته عارفٍ وش هي اسبابها زدتني شوق يا لابس الغندري
ناصرالمرشدي
جبت موتك معك ياقصير العمر صاحبك مايهاب صاحبك مايهاب=قبل تضربّها جوّد نصابها زدتني شوق يا لابـس الغنـدري
ناصر المرشدي معه علم وخبر كل ماغاب جاب كل ماغاب جاب=وانت شقتك مايفقدك بابها زدتني شوق يا لابـس الغنـدري
علي فلاح العضياني
ليل خمسة عشر شفت نور القمر ما غطاه السحاب ما عطاه السحاب=كلّها نور قمرا ء ويسرابها زدتني شوق يا لابس الغندري
جابك الله على حيد شاط البحر يا عزيز الجناب يا عزيز الجناب=تقنص و تمسك الحوت بارقابها زدتني شوق يا لابس الغندري
ناصرالمرشدي
لو تكرمت يازيد علم عمر قبل يوم الحساب قبل يوم الحساب=حية الغار يبرالها دابها زدتني شوق يا لابـس الغنـدري
شقلب العلم للعلم بطن وضهر طبت والحظ طاب طبت والحظ طاب=واهل مكه عرب تعرف اشعابها زدتني شوق يا لابـس الغنـدري
علي فلاح العضياني
طيعني لا تقرّب حدود الخطر وانت توّك شباب وانت توّك شباب=ليش الاخطار ما تحسب حسابها زدتني شوق يا لابس الغندري
أثر يوم انّي اعزمك ثم تعتذر المفارق عذاب المفارق عذاب=علّتك يبلش الطّب فاطبابها زدتني شوق يا لابس الغندري
ناصرالمرشدي
ياعلي مادريت ان قلبك خضر ياقصير الثياب ياقصير الثياب=لين همك بروحك تلوابها زدتني شوق يـا لابـس الغنـدري
الدجيما من الحب وسط القبر اذهبنه ذهاب اذهبنه ذهاب=كم هنوفً لك الله تغنابها زدتني شوق يـا لابـس الغنـدري
علي فلاح العضياني
لو قلبي نهار اللقا من حجر لرأى الزين ذاب لرأى الزين ذاب=وانت من ناسٍ تطوّل ثيابها زدتني شوق يا لابس الغندري
طالت السالفه لكن المختصر لاتسجّ الركاب لا تسج الركاب=ثمّ بكره على السجّ تضرابها زدتني شوق يا لابس الغندري
ناصرالمرشدي
صاحبي بعد ماخش فالمؤتمر عزني فالخطاب عزني فالخطاب=يحفظ الكتب ويذم كتابها زدتني شوق يا لابس الغنـدري
جيت ابا الفايده والنهايه صفر يالميع السراب يالميع السراب=طرقتن ليتنا ماشقينا بها زدتني شوق يا لابس الغنـدري
لله دركما
متااااااااااااااااااااابع ومستفيد