غباء الشاب السعودي في امريكا ؟!!

[يكفي اخر اسمي]

المشاركة الأصلية كتبت بواسطة ابوراكان2000

اذاالقصة حقيقيه ماشاء الله عليه هذا السعودي حسبها صح

مشكور ماقصرت

ههههههههههههههههه
والله مدري يابو راكان على ذمة اللي رواها لي

[يكفي اخر اسمي]

المشاركة الأصلية كتبت بواسطة Man من العتبان

قصه رائعه بينت ذكاء الشاب السعودي ضحك عليهم فالنهايه

الشي بالشي يذكر . . بس هذي عملية نصب واحتيال في ارقى محلات الالماس في لندن .

خليجي عنده الالماس مضروب او بلغتنا فالصووو يعني اي شي

رهنها في محل راقي للالماس عشان يبيعونهاا واخذ منهم ورقة من المحل عشان يثبت انه راهنها للبيع في المحل جاهم بعد يومين قالهم ماهي لي هذي مضروبه وسوا نفسه يفحصهاا بالعدسه حقتهم قال ابدا" ماهي ليانتوا بدلتوهااا . ورفع عليهم قضية وكسب مليونين جنيه استرليني .

وقالوا عنها انها اكبر عملية نصب في عالم الالماس

ويقال انه في فيلم امريكي فيها نفس المشهد هذا مقتبس من صاحبنا الخليجي .

هذا ما سمعته من احد الشباب والله اعلم .

واسف على المداخله يا يكفي اخر اسمي

ودمت بود

الله يعطيك العافية على القصة الحلوة

[يكفي اخر اسمي]

المشاركة الأصلية كتبت بواسطة راعي البلهـا

القصـــــــــــــــــه رائعه
وانــــــــــــــت اروووووع

لاكن تبي الصراحه والا بنت عمها . انت قريتها مدري سمعهتا
وجازت لك . ولاكن ماقدرت توصلها لنا بالشكل الي تثير إنتبهنا
كما سمعتها.
المهم انه استغل بوووووش وربعه ووقف سيارته بمبلغ زهيــد
.
........................................ الله يعطيك العافيه...................................



أنا الي قاهرني مع هذا كله ومع انا ندري انا اذكاء منهم . علا الورق لاكن الواقع غير ذالك.


حنا وين يارجال وهم وين.




تبي الجد<<< حنا جيدين بالعانه وحب استغفال الغير مع انهم زينا والمكر والاحتيال>>>

الي يخليني اقول كذا واقعنا

وشكراً وشكراً وشكراً
ترا انا زعلان علا واقعنا

حياك الله ياخوي والله كلامك على العين الراس

لكن ليه الزعل هونها وهي تهون

اذا بتناظر لكل شي بالواقع تبي تتعب وانا اخوك
لكن سدد وقارب

شاكر لمرورك ومشاركتك
والله يبارك فيك وانت اروع ياغالي

[يكفي اخر اسمي]

المشاركة الأصلية كتبت بواسطة نداوي هوازن

قصه رائعه ..
وترا صحيح كثير من الامريكان دراويش ( خصوصا في السابق ) ماهم مثل الانجليز ملكعين .
(( مره فيه طالب قطع الاشاره الحمرا ( وتعرفون قطع الاشاره بامريكا جريمه كبيره ) فوقفه البوليس واعطاه قسيمة مخالفه وموعد لمحكمة المرور -
قال لهم يا جماعه انا آسف وماني متعمد ( لكن في بلدي حنا نمشي على الضوء الاحمر ونوقف على الضوء الاخضر ) وانا جديد هنيا وما تعودت على نظامكم !!!!
قال البوليس لخويه ( صحيح انا سمعت انه في البلدان الشيوعيه الامر كما قال ).
وسامحوه وتاسفوا له بعد !!!

هههههههههههههههههههه

والله عندهم شي غريب ان الواحد يكذب وعندنا خلف الله وش تعد وش تخلي

فيه مقوله مرت علي بس مااذكر والله مصدرها عن واحد يقول

ذهبت إلى بلاد الغرب فوجدت إسلام بلا مسلمين
وذهبت إلى بلاد الشرق فوجدت مسلمين بلا إسلام

شاكر مرورك يالغالي