ضحكتك حفلـــــــــة

[بـرق الـذيب]

الوجه نور الصبـح والخشـم سلّـه
والشعر داجـي ليـل والخـد تفـاح


قمة الشاعريه ياهلال

تخوني الكلمات في مدح هذا النص الرائع

[زحزيح]

انتـي طلعتـي للقمـر فـي محلّـه
والاّ القمر في وجهك من السما طاح
ليلـك علـى باهـي نهـارك تهلّـه
يامجمّـع الأضـداد ياعنبـرٍ فــاح
الوجه نور الصبـح والخشـم سلّـه
والشعر داجـي ليـل والخـد تفـاح
والثغـر نبـع العـد والهـرج فلّـة
وحواجبٍ مقرونـة ورمـش ذبـاح
والعنق عنـق الريـم دقّـه وجلّـه
وصدرك بحر مايعبـره كـل مـلاح
ضحكتـك حفلـة بالفـرح مستهلّـة
انوارها مليـون شمعـة ومصبـاح
وباقـي وصوفـك باهيـاتٍ مطلّـة
تسبي عقول وتسرق قلـوب وارواح
ياخـف دم الزيـن ياخـف ظـلّـه
كساه ربّـه بالحـلا تـاج ووشـاح



لا هنـت يا هـلال وعزللـه انـك كتبـت غـزل

وافــــي


تقبـل مـروري

[يوسف عتيبة]

مشكوووووووور يالغالي صح الساااااانك

[صنداح الزلامي]

جتنـي تهـادى غيمـةٍ مستقـلّـة
هتانهـا يعطـر انفـاس الاصبـاح
تهمـي علـى قـاع الفـؤاد وتبلّـه
تكبح لهيب الشوق والشوق فضـاح
تقول ممكن توصـف الحسـن بالله
قول الصراحة شفت في حسني ملاح؟
قلت انتي اخذتي حلا الشـرق كلّـه
عندك على خزايـن الزيـن مفتـاح




____________________________
هلال صح لسانك
تقبل مروري المتواضع

[الذيبان]

اللة لايهينك وماقصتــــ...........

[محب الهيلا]

صح لسانك

مشكور وماقصرت

[الخيال]

صح الساااااانك


يااااا هلال العتيبي


درر تشكر عليها ونتمني من المزيد


بارك لله فيك

[أبو نجر النفيعي]

..

هلال العتيبي ..

الله الله .. قصيده في قمّة الجزاله .. صح لساك مدد بلا عدد ,,
وفي انتظار ابداعاتك المعهوده بشغف ..



أخوك

التوقيع

.....

[عبدالرحمن الهيلوم]

مشكوووووووووور يالغالي وفي انتظار ابداعك

[ابو محمد الدعجاني]

لا اعرف ماذا اقول

هلال صح السانك وفي انتظار جديدك يالغالي