ســــــــــــــلطـــان الجــــــذع .. يمكن تدخل في ورطه !!

[السميــــــري]

الزئبق الأحمر ..
حضوورك متألق .. وله معنى كبير ..
حيااك سعدنا بك ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[السميــــــري]

العازمي ..

حييت .. ومروك منوووور ..
صح بدنك ..


عبد الله بن دبيس ..
صح بدنك والجميل هو مرورك ..

[معجب العتيبي]

المبدع سلطان الجذع ابداعك يجدد الحيويه في المنتدى

والسميري وما ادراك ما السميري جميل العباره وجمال البدايات دائما

استمروا في الابداع وعلينا الحظور والمتابعه والأستفاده



ملاحظه: اخوي السميري اخر كلمه في ابياتك اعتقد ان فيها خطأ مطبعي

[السميــــــري]

سارح البال ..
هلا والله دائم وانت مرورك .. >> مضاد حيوي ..
أسعدتنا بمروك العذب ..

..
بس ماأدري وش تقصد ..

[سلطان الجـذع]

انا طالبك لاتهرج بكلمه مالها برهان =مااحد يقدر يقارن بين منزالك ومنزالي
ااذا ان العلم للسلطان انا سلطان مهما كان =ابا اشهد علاك العازمي ..واشهد العالي

[سلطان الجـذع]

سارح البال ...ماعندنا ليس الا قليل مقارنه بما لديك

لك كل الشكر والتقدير

[معجب العتيبي]

تبى تدخل علومٍ ما تدّخل غير فالسلطان !=هذي أربع سنين وقابله للزود فالخلالي .


اقصد اخر كلمه هنا......... هل هي صحيحه والا ماعرفت اقراها ههههههه

[السميــــــري]

أنقطع الاتصال ..
استلم

لاياخذك التغطرس والتمطرس كلبونا أخوان = فقير وفيه كبر ولا حسب للناس مثقالي !!
سياسي مار تال الوقت مربوطٍ ورى القضبان = على درب الفقيه اللي يبابي فالخلا الخالي

[أبو نجر النفيعي]

انا طالبك لاتهرج بكلمـه مالهـا برهـان
مااحد يقدر يقارن بين منزالـك ومنزالـي
ااذا ان العلم للسلطان انا سلطان مهما كان
ابا اشهد علاك العازمي ..واشهد العالـي


لله درك يا سلطان .. صح لساانك مليوون

..

وصح لسان شاعرنا الكبير السماري .. والليل الليل

التوقيع

.....

[سلطان الجـذع]

صحيح اخوان لكنه يفّرق بيننا الميدان =يحط الاول الاول يحط التالي التالي
الا ياكبرها كبراه لاتدريبك العتبان =يحطونك ورى فندق مسره عده ليالي