على طبق من ذهب !!!

[علي فلاح العضياني]

لا زم توضّح لي اكثر يا عريب النسب=كلمه ينومسك معناها و مضمونها
اكرب حزامك وسلّ السيف يا بو عتب=قدّامك اهل السيوف اللي يحدونها

التوقيع

(( رأس الحكمه مخافة الله ))

[الليث المبتسم]

ان كان معناك ويش اسمك ياشاعر (وأجب)؟=فالله يعوض اللحون اللي تغنونها
اليا كربنا المحازم بان فيك العجب=انته وناس تغرك ضحكت سنونها

آخر تعديل الليث المبتسم يوم 06-Jan-2008 في 11:02 PM.

[علي فلاح العضياني]

هذي هي اهمّ حاجه يا سريع الغضب=نفسك ورى في دقيقه باح مكنونها
ضحكت من كلمتك وان ما عرفت السبب؟؟ =طرت لي اللي تدف الضلع بقرونها

[سلطان بن ثعلي]

صحت السنتكم ياشعار

ابداااع واصلواااا

والليل ياشعار

وانا في صف الفالح

[الليث المبتسم]

ازعل ليا شفت لي جاهل يغني طرب =ويقول انا شوق ليلى اللي يقولونها!!
وانته ليا زادت الشعله وزاد الحطب=تطري علي الفراشه مااختلف لونها

آخر تعديل الليث المبتسم يوم 07-Jan-2008 في 12:04 AM.

[علي فلاح العضياني]

نرجع لموضوعنا برضاك ولاّ غصب=ظنّو بك الناس ظنّ وخابت ظنونها
تبّت يدينك ثلاث مرار يابو لهب=ما تنظف ايديك بالليفه وصابونها

[الليث المبتسم]

والله ماتدري شهر شعبان ويش ورجب=حمامةٍ تجذب الصياد بلحونها
مليون هبوه ولاتكفي ليا قلت اهب=وش لون تنظف يدٍ لحيتك عربونها

[الليث المبتسم]

اصبحنا واصبح الملك لله وغدا نواصل اخي الفالح

[معجب العتيبي]

ههههههههههههههه اجل فيه مواصل؟

ماخليتوا شي

صحة السنكم

[علي فلاح العضياني]

من يخفي اصله نعدّه من حساب الصلب=واليوم شونك تراه اصبح مثل شونها
يدك القصيره ما تاصل لحيتي والشنب=في وسط مخباك تظهرها وتوزونها