سارح البال مبروك الوسام

[معجب العتيبي]

المشاركة الأصلية كتبت بواسطة نايف الروقي

ياسارح البال مبروك الوسام = الله يهنيك رفرف ياعلم
مدرى حلال آخذه والا حرام= لكن اوريك رفرف ياعلم

اخوي نايف الروقي يشهد الله مادخلت البيت الا قبل خمس دقايق فالمعذره

اخواني اللي شرفوني بالمرور الله يبارك فيكم

وصحة ابدانكم

ومشكورين

انته تبارك قبل رد السلام=من حر مافيك رفرف ياعلم
اسأل مدير الأداره والنظام=وبالصدق ينبيك رفرف ياعلم

[عيد العازمي]

سارح البال صح لسانك ومبروك وسام النخبه


فقد اعطي من يستحقه وهو انت يابو سلطان

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[معجب العتيبي]

ابو طلال الله يبارك فيك ومعليك زود

[نايف بن ملحق الثعلي]

ذا الليل نسهرك ما تقدر تنام=نعرف طواريك رفرف يا علم
حنا نعرف الحقيقه بالتمام=ماني بغاويك رفرف ياعلم

التوقيع

ما هوب لازم توقيع00

[معجب العتيبي]

مسامر اهل الوفا والاحترام=مافيه تشكيك رفرف ياعلم
هات السوالف ورتب للكلام=يالصاحب الشيك رفرف ياعلم

[السميــــــري]

انته تبارك قبل رد السـلام
من حر مافيك رفرف ياعلـم



انته تبارك قبل رد السـلام
من حر مافيك رفرف ياعلـم



ياولد ياولد ..
صح لسانك بيت بيت !!
مبدع ياسارح البال ..

وصح لسان أخوي نايف ..

متابع

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[معجب العتيبي]

السميري

ياااااااااااااااااهلا وغلا مرورك بحد ذاته وسام طال عمرك

شكرا على متابعتك

[نايف بن ملحق الثعلي]

ياسارح البال في خشمك عرام=لكن اداويك رفرف ياعلم
منت بري ونت فيك الاتهام=نعرف معانيك رفرف يا علم

[بندر المرشدي]

صحت السنتكم وبيض الله وجيهكم على الطاروق الرائع

[معجب العتيبي]

ياللي تبا الحج لاتنسى الحرام=انصحك واغليك رفرف ياعلم
والزرع يقفاه يانايف صرام=ثبت مواطيك رفرف ياعالم

آخر تعديل معجب العتيبي يوم 05-Jan-2008 في 10:58 PM.