وين سلطان الجذع خلوه يجي ياعتبان

[مالك الذيابي]

رفيع المنزل , صح لسانك يالغالي
سلطان الجذع , صح لسانك يا ذيبان

واصلوا وانا متابع

[مشاري]

الليل الليل

محاوره راائعه


<-- متابع وبشغف

[سلطان الجـذع]

عذرا على التاخير

الليل توه والمسافه طويله =وانته بعير للحمول الثقيله
نوخ لحملك ياصحيبي وشيله=الله يعيـن الصابـر الله يعيـنـه

كل مانسمعك يلحقك منا ملام =انت سبحه كفوف الربع تلعبها

ماهو تكبر بس عارف مقامي =كم عين افرح نونها كل عامي
وعيون نحرمها لذيذ المنامي =الله يعيـن الصابـر الله يعيـنـه

الله الله تجهز واحتزم بالحزام =الرحا دوب درات وطحنت حبها

[رفيع المنزل]

حمولتك ترجع بها وانت مجبور=لكن ضو النو يامطفي النور
مانته بلاقي عندي افراح وسرور=والله يعين الصابر الله يعينه

والله اني من اللي يرفعون المقام= اعرف الناس ثم اقدم على سبها

عارف مقامك وانت جاهل مقامي=اثريك عرضت البشر للعدامي؟؟
هو وين ذكرك يارشيد الزلامي= والله يعين الصابر الله يعينه

المطية معي واقودها بالخطام=لو تحاول يمين يسار مااكبها

[سلطان الجـذع]

لا والله الا حملتك مير شلها =هديه مانته محصل بدلها
انته نعدك طال عمرك جملها =والله يعيـن الصابـر الله يعينـه

انت رجل كريم ليا لفوك الكرام =دله البن الاشقر صبها صبها

ذكري مع اهل الطيب وافين الاشبار =فالموقف الثابت على شبه النار
والا انت ماتذكر بشر ولا خار =والله يعيـن الصابـر الله يعينـه

قلت لك صل يالماموم خل الامام =قاصر اليد مدري كيف يشربها

[رفيع المنزل]

هديتك مالي بها يابن الاجواد=شلها بجيبك ثم وجه بها غاد
عزالله انك مانت كاسب لك افواد=والله يعين الصابر الله يعينه

انت رجل ٍحشيم ليا لفوك الحشام=من لفو يمك اقمز ثم رحب بها

شري لمن يبغاه حاضر وموجود= وخيري لمن يبغاه ماهو بمحدود
لكن تبغى البيض ولا تبا السود= والله يعين الصابر الله يعينه

كان حلقك توقف فيه بعض الطعام=اترك اللقمه اللي غير تنكب بها

[سلطان الجـذع]

انته تمنع وانت تبغى الهديه =لكن بكره قيلوا فالحجيه
ويجيك راعينا يلم الرعيه =والله يعيـن الصابـر الله يعينـه
لاتعدى وانا عمك حدود النظام =لاتدور على النشبه وتنشبها
اقول لك واعيد ..لاشر لاخير =مير انتبه للوارده والمصادير
قدام ترميبك سهوم المقادير =والله يعيـن الصابـر الله يعينـه
دارنا مايهاز وروسنا ماتضام =كم روس على الماقف نشيب بها

[رفيع المنزل]

لاوالله الا ويش ابي في هداياك=لكن بالله طيعني قد ماطاك
وانت تراك انت الرعيه وانا ارعاك= الله يعين الصابر الله يعينه

ماانت عمي وانا اللي مركبي بالسنام=ياعقولٍ عسى المعبود يذهب بها

الله ياليتك ناقة ٍ شكلها زين=وابوك يجمعها مع ابلٍ مزايين
يمكنه اليا باعها يوفي الدين=حيثه على شرواك ربي يعينه

واخسارة عتيبه منك ياذا الغلام=هي عزيزه ولكنك تعيب بها

[سلطان الجـذع]

مانت بولد وايل الناس تعرفك =لكن يمكن عزوتك ماتشرفك
ماني بلايم يالمطيري تطرفك =الله يعيـن الصـابـر الله يعيـنـه

مركبك فالسنام وعادتك كل عام =ارفع ايدي يالغالي الى ربها

لا والله الا بعير مامثله بعير =فكوه في هاك البكار المصاغير
يمكن يجي منهن عيال بهم خير=الله يعيـن الصـابـر الله يعيـنـه

والله انك على ماقيل مانت بتمام =مير تبت يدين اللاش وا تبها

[شاعركم]

مانت بولد وايل الناس تعرفك
لكن يمكن عزوتك ماتشرفك
ماني بلايم يالمطيري تطرفك
الله يعين الصابر الله يعينـه






مركبك فالسنام وعادتك كل عام
ارفع ايدي يالغالي الـى ربهـا







لا والله الا بعير مامثله بعيـر
فكوه في هاك البكار المصاغير
يمكن يجي منهن عيال بهم خير
الله يعين الصابـر الله يعينـه






والله انك على ماقيل مانت بتمام
مير تبت يدين اللاش وا تبهـا



خشمك يابن العم


مانت بولد وايل الناس تعرفك
لكن يمكن عزوتك ماتشرفك
ماني بلايم يالمطيري تطرفك
الله يعين الصابر الله يعينـه






مركبك فالسنام وعادتك كل عام
ارفع ايدي يالغالي الـى ربهـا







لا والله الا بعير مامثله بعيـر
فكوه في هاك البكار المصاغير
يمكن يجي منهن عيال بهم خير
الله يعين الصابـر الله يعينـه






والله انك على ماقيل مانت بتمام
مير تبت يدين اللاش وا تبهـا




مانت بولد وايل الناس تعرفك
لكن يمكن عزوتك ماتشرفك
ماني بلايم يالمطيري تطرفك
الله يعين الصابر الله يعينـه






مركبك فالسنام وعادتك كل عام
ارفع ايدي يالغالي الـى ربهـا







لا والله الا بعير مامثله بعيـر
فكوه في هاك البكار المصاغير
يمكن يجي منهن عيال بهم خير
الله يعين الصابـر الله يعينـه






والله انك على ماقيل مانت بتمام
مير تبت يدين اللاش وا تبهـا



ازهل الصف


ازهله يابن العم