قصيدة الملتقى للشاعر\كديميس العصيمي

[نامي]

بسم الله الرحمن الرحيم=
=قبل وبعد إنتهاء ملتقى قبيلة عتيبه كثرة الاتصالات والتساؤلات والعتب
على الشاعر=
=كديميس لعدم مشاركته في الملتقى فأجاب بهذه الأبيات=
بان لي من بعض لابتنا بواين = وقال لي من قال يا الله لا تهينه
قال ماشفناك في ايام المزاين = وغيبة الشاعر عن الموسم غبينه
وكبّر الموضوع والدعوى هواين = من حضر والا اللجان مسا محينه
كل مافي الأمر تشخيص العواين = لكل ملحن تستحق يقال زينه
وبين ميدان المزاين والزباين = تعرف العّرب الرخيصه والثمينه
وقطع روس الحشو وكبار الضواين = الصياني فوقها الحشو السمينه
وللبراد ولدجى جابو مكاين = كل راعي منتدى ركب مكينه
حطوا الحدبا مثل بعض المداين = من نظرها قال يا ويش ذا المدينه
وموقف الشعّار في الصيوان باين = كل شاعر لاقصد يرفع يمينه
والبلا لأشتب مشهاب المشاين = من رجال ٍ كل واحد له ضغينه
ما اتغيب عن وجيه اهل الضغاين = وموقفي معروف وانتم خابرينه
أشرب الفنجال والشاعر يعاين = ماعليّه منه لو ينفخ وتينه