الســـــــلام على الجميع

[علي فلاح العضياني]

كل الحقايق ترى في صفحة كتاب= مار انت جا فيك ميله وانقلابه
عز الله انك بطل واحسب لك حساب=لكن كبّ المعايا وش تبابه

التوقيع

(( رأس الحكمه مخافة الله ))

[بندر المرشدي]

صايبك شكه وريبه ليه مرتاب=ما يلحق الرجل شكــه في ثيابه
لا تعترض يابن فالح غصن الانشاب=ابليس يرقص على صوت الربابة

[علي فلاح العضياني]

الله يبيّض وجيه عيال شباب=كلٍ لكسب العلا يشعب ركابه
ياالمرشدي جايكم للحق طلاب=في نهاية الامر سوّيتوا عصابه

[بندر المرشدي]

توك تولع لها بالدرب مشهاب=اعرف طريقك على راسك رقابه
ويلك على اللي تحمى لك بمشعاب= بين الاذاني يمكن بك صوابه

[علي فلاح العضياني]

ابوي يعنك يوم انه بذل جاب=وابوك ربي يعوضه في شبابه
مال المشاعيب عن قلّتك مجناب=اصبح حلال العرب عندك نهابه

[ناصر المرشدي]

هههههههههههههههههههههههههههه


راحت مشاعيب احس فكونا من السلاح

[بندر المرشدي]

في ربعت البيت والا بين الاطناب=عينين في راس والدعوى تشابه
اصبح على خير لو خاطرك ماطاب=لاتسبر القاع وتطارد سرابه